「！文末有限時讀者優惠！」 每年貝貝嘅生日，我地都會搵專業攝影師影一輯家庭相，多年後就可以睇返小朋友一路以來嘅變化。我早一個月前已經開始做定research，事先聲明！雖然貝貝真係好鐘意公主，但我真係從來都無打算話想同佢扮公主影相，平時佢已經著夠公主裙嗱，而且我好怕影到好娘，一式一樣果啲公主相，我實在唔想同佢搞咁多野。點知有日FB彈咗呢間studio啲相出黎，我睇到個樹景真係好surprise，佢完全係韓國pre wedding個場景黎！而且我無諗到小朋友都carry到呢個景，最心心眼嘅係佢地啲裙唔係超級浮誇得黎又會有公主本身嘅元素喺度！呢個真係超級重要呀，而且啲裙嘅手工都好好咁樣，望落去好有質感同埋每個details位都好細緻啊，同一般嘅公主裙好唔同！我睇到心入面已經叮叮聲，我都估唔到連最唔鐘意公主嘅爸爸都同意畀貝貝影呢間，當係送畀貝貝嘅生日禮物，等佢可以化身一日夢幻小公主！ 呢個體驗又真係好不得了！全程都超認真，頭30分鐘可以畀小朋友揀自己想著嘅公主裙，揀完之後去化妝間會有個姐姐幫佢set頭同化妝，化到幾浮誇就自行決定，我就剩係批准佢印咗少少胭脂同搽咗少少唇膏滿足下佢可以化妝，佢set頭個過程已經開心滿足到傻鬼咗，幻想定自己將會變成公主！ 之後就可以行去studio準備影相，臨行入去個場景之前已經聽到好大聲播緊let it go～姐姐仲準備埋支公主神仙棒畀佢行入去，仲要啲燈暗暗地勁有feel嘅，原來一開始係影咗夜景先，剩係行入場呢個感覺已經夠晒浪漫！貝貝成個樣好驚訝，棵樹真係好巨，睇到成個場地嘅set up都超認真，係貝貝最認真嘅一次拍攝！ 貝貝入到去其實都有啲驚，企定定唔敢郁，直到攝影師拎咗隻Olaf出嚟同佢玩，佢就開始放低戒心，攝影師不斷同佢講笑同佢玩，邊捕捉佢嘅表情，貝貝好受落，越影越投入，好快就同在場工作人員打成一片。 估唔到影完夜景，轉一轉啲setting又可以變成勁唯美嘅雪景，現場睇都好震撼，中間助手姐姐仲會幫手製造飄雪嘅效果，成個感覺勁靚！有時仲會拎啲唔同嘅道具出嚟，就算影一個場景，啲畫面都好豐富！ 另外送上幾張聖誕場景嘅相，勁有聖誕氣氛，聖誕條裙又係超特別好靚！ 成輯相都好有紀念價值，因為我覺得佢鐘意公主嘅心應該唔會維持太大個，如果小朋友真係鐘意公主嘅，公主相越細個影真係越得意，而且由set頭化妝，到拎住支公主仙女棒行入去影棚果個moment，真係滿足到佢體驗做咗一日小公主，得閒我地又係咁讚佢好靚，佢全程都好滿足咁笑，貝貝影到唔捨得走添呀，我話下年再黎影過，佢竟然答我聽日就要再黎，佢話好唔捨得條裙同埋Olaf！！同埋啲成品真係好靚好華麗，未精執嘅相其實已經夠晒靚，精執咗嘅相只係變得更靚。 Studio: https://www.facebook.com/lavibabyhk/ 今次影得真係好滿意，我同攝影公司爭取咗少少優惠畀大家，如果大家都有興趣畀女女體驗成為小公主嘅話，直接inbox佢地book 小公主package嘅時候，話係我「bowl lam介紹」，就會有9折嗱！優惠期至2022年1月7日，有興趣嘅就自己把握優惠啦！