#小朋友六折 #聖誕嘉年華 #$66就坐到來回纜車 #超豐富全日行程 #親子聖誕     超有氣氛嘅聖誕嘉年華，由纜車出發     彤彤昕昕 自從之上次搭過一次水晶纜車之後，係咁四圍同人哋講話好好玩！最近見到官網 #小童來回纜車門票緊六折，即刻平勁多，而且做緊聖誕嘉年華，於是約埋嫲嫲、姑媽、表姐一齊再去玩啦   今次我哋星期日嚟，公眾假期人流都有啲多，但完全無損我哋嘅興致我哋八個人啱啱好一部水晶車，出發啦     嫌我長氣都要講多次，絕對一定要坐水晶車箱，成個景色望埋去真係好靚，個人好似飄浮左喺半空，所有一草一木小徑瀑布流水，進收眼底，小朋友落車嘅時候，都仲話咁快坐完，好唔捨得落車。好彩仲有回程可以玩多次！   小提示：水晶車廂嘅排隊時間相對短好多，等如買咗fast pass，比多幾十蚊，我個人覺得抵比     一落車就見到個大型嘅聖誕打卡裝置，勁大杯雪糕好吸睛，之後去咗昂坪嘅餐廳 醫肚， 12點左右都仲唔係太多人，即刻有位！之後又去咗旁邊食雪糕 #買二送一，小朋友揀士多啤梨味，媽媽我梗係揀 #24D榴槤 好味。     行到街尾位置，就會見到聖誕節嘅 #朱古力嘉年華, 隊伍唔算好長，但因為限聚令嘅關係，唔可以容納咁多人，所以要等一段時間。遊戲券$20一張，#一定有禮物，差在係大定細 佢分別有四個遊戲，射箭、層層疊、碌波波、拋圈圈。     個人覺得射箭 同拋圈圈最難玩，層層疊最容易，只要大人幫手，一定贏到大獎，碌波波就真係靠運氣。     睇嚟彤彤昕昕都有啲運仔，贏到二份大獎二份細獎，根據你玩唔同嘅遊戲有唔同嘅獎品，一份係地 #聖誕地氈、一份係聖誕頸枕，細獎就係一本筆記簿，咁都幾抵玩     今次我哋嚟得早，所以搭埋車去 #大澳玩，星期日大澳人流真係不容小覷人山人海！而媽媽我過嚟嘅主要目的就係 #食莎翁，真係好好食，脆口得來帶點濕潤感，蛋香味十足，真係排長龍都要買。之後再過左去隔離買 #香妃餅，脆脆地充滿蔥香味個姨姨仲好好，特登幫我哋分成四份，方便小朋友食，然後又走咗去食豆腐花，竟然可以在海邊嘆住靚景食豆腐花，正 然後媽媽就覺得成日似乎都係食嘢     因為纜車6:00就收啦，大家記得趕喺六點前返去排隊，如果唔係就要自己搭車落山㗎啦！臨走前記得去外圍嘅 #大型壁畫打卡場影返張靚相，真係畫得好靚。     好彩我哋搭 #水晶車廂，回程嘅時候都先唔使排長龍我夜晚回程嘅時候睇埋夜景，全日行程非常豐富，就好似去咗旅行一樣   大家都快啲趁着有優惠嚟玩吓啦   賓客須於到訪當天，親身出示香港身分證 ( 正本 ) (11歲或以下小童之香港出生證明書正本或副本)，以核實身分，方可享優惠。 小童來回纜車門票   標準車廂: 原價: $110  6折$66 水晶車廂: 原價: $190  6折$114   詳情可以喺以下網頁睇到 https://www.np360.com.hk/tc/events-promotions/events/Christmas_Chocolate_Carnival?gclid=Cj0KCQiAkNiMBhCxARIsAIDDKNWG0TzvwtJ7btGqJT_3DeqEfxFCzGU4J4svZxpycZGLrdcUoa9B15saAg1zEALw_wcB   Venchi 1878 昂坪360 Ngong Ping 360 #意大利朱古力 #Venchi聖誕活動 #東涌好去處 #NP360 #NgongPing360 #天壇大佛 #放電好去處 #聖誕節好去處 #昂坪360 #水晶吊車 #大澳美食 #大澳好去處 #聖誕節2021 #親子好去處 #秋天好去處 #親子活動 #親子博客 #假日好去處 #hkmamablogger #hkmama #香港媽媽 #彤彤與昕昕生活手記 #hktravel #香港景點 #放電 #香港郊野公園 #免費入場 #hkinfluencer #hkblogger #InFluenSpace #Kidsactivity #wearehkkids   ????FB: 彤彤與昕昕生活手記 ???? IG: selene_n_selina ???? Youtube: 彤彤與昕昕生活手記 ???? mewe: https://mewe.com/i/sophialeung5 ????Website: https://selenenselina.com/