貝貝正日生日之飲茶篇～ 正日當然要返自己屋企「迪士尼」！本來以為好鬆動嘅安排，點知啲行程勁緊迫，仲食完又食～ 第一站book咗迪士尼酒店嘅晶荷軒飲茶，好幸運坐到window seat，仲望住樓下證婚草地場同迷宮，坐得好舒服。本來對啲野食就無抱好高期望，但整體啲味道係ok嘅，同埋酒店價錢都預咗係貴啲，卡通造型果啲點心都整得幾靚，但就好少款，不過貝貝都夠開心，同埋估唔到佢食得最開心係鮑魚撻，一個人食晒兩隻，不斷話好好味！唯一最唔滿意係上菜好慢，貝貝餓到就黎暈低咗都未有得食，個樣keep住勁嬲，聽到隔離枱啲食客都好鼓噪。 我地book咗12:30食飯，本來諗住好快搞掂就去迪士尼，點知食完飯喺酒店行下，玩下迷宮，影下相，最後都差唔多4點先離開。 、 待續～ ——— FB: https://fb.me/bowlpui IG: https://www.instagram.com/bowl_lam/