其實諗返起貝貝出世之後呢4年，都無乜點安排過要點樣慶祝聖誕節，明天正日我哋一樣無計劃嘅。但係其實佢生日果晚，我地已經喺迪士尼樂園入面嘅大街餐廳，預先食咗聖誕大餐！ 呢個聖誕大餐事前要上官網訂同full pay，價錢無想像中咁貴，同平時walk in入去食嘅set dinner好似差唔多價錢，大人$398一位，兒童餐$168，另加$100包一張實體相（我傻傻下無為意，前後加咗3張）+飄雪表演vip欣賞區！聖誕大餐賣相ok，但食物味道強差人意，真係希望佢地好好改善！我覺得兒童餐啲野食吸引啲！真係只當一個聖誕體驗，我下年應該唔會再上當！ 另外，因為我完全無為意自己買咗3張實體相，如果我一早知，我一定分唔同時段，唔同角度搵職員影相，我去到最後勁難揀3張相出黎，因為張張差唔多，仲要唔畀除口罩，想再影過都唔得，因為攝影師哥哥都收咗工了！我又唔記得咗問佢可否留返下次黎影過先曬相！ 至於包埋城堡前嘅飄雪表演vip區，我覺得都幾值得嘅，平時睇城堡前面啲show都企得好遠，附近又多人又迫，原來企第一行個感覺又震撼啲嘅，睇少勁多個人頭，同埋啲飄雪飄落黎又勁靚！ 不過另外都想提提，原來另一個聖誕樹亮燈表演（18:50）都幾好睇架喎，係有少量煙花架，我初初以為只係得啲燈眨黎眨去，原來都幾精彩架喎！ ——— FB: https://fb.me/bowlpui IG: https://www.instagram.com/bowl_lam