無論你同你先生係咪都需要每日忙碌為口奔馳，又或者家中只有一位全職工作者或有無工人姐姐，管理小朋友嘅課外活動一般都會令到父母好頭痛 - 一個要去學游水，另一個就要學鋼琴，另外兩個要跨區學踢波，作為一個有四個小朋友嘅母親，我經常都係以某種形式係混亂嘅情況下完成各種差事同計劃課外活動。不過無論你有兩個或十個小朋友，以下嘅小貼士都絕對適用於忙碌嘅你。   分工合作 最理想嘅情況，就係讓父母雙方都可以同時參與小朋友嘅活動。但係有時唔同活動總係會撞期，因此父母雙方有必要分工合作。 但緊記，要做到輪流去參與每一個小朋友嘅活動，儘管有時你情願去參加足球賽事而唔係跳舞比賽，只有咁樣先至可以畀你嘅每個小朋友知道你對佢哋嘅愛同埋支持。   尋求協助 作為父母，有時候也需要一啲幫助。你可以嘗試同其他父母安排輪流接載小朋友。只需要公平分擔費用同工作即可。   創建家庭日曆 創建一個家庭日曆，將家庭成員每一項活動都放係日曆上。你可以係日曆上以唔同嘅顏色來為家人做標記，咁樣你就可以對各家庭成員嘅活動一目了然。用心經營家庭日曆係一個讓家庭各位成員維持良好組織同計劃、可以隨時知道邊個幾時幾日要去邊度。至於究竟係咩類型嘅日曆，你可以選用傳統嘅實體日曆並放喺屋企嘅當眼位置，又或者利用電子日曆嚟幫你計劃行程，最緊要係啲資料準確同 update。   提前計劃 設定好日曆後，為咗可以喺最繁忙嘅日子中安然無恙咁渡過，最好嘅辦法都係要盡早計劃，例如之前準備好飯盒、小食同埋每日嘅簡單晩飯（我稱之為「膳食計劃」）都可以為你節省好多時間；係活動幾天前預先挑選將會穿著嘅衫，咁你就唔需要喺最後一刻先至為著咩衫而煩惱；係前一晚盡量做好準備，執拾好第二日需要嘅物品，咁自己就唔使喺最後一分鐘先至搵呢樣搵嗰樣。    善用科技 今時今日apps令我哋嘅生活非常便利，apps不但可以幫我哋節省時間，而且亦可以令你保持頭腦清醒。 而家啲apps各式各樣，例如有銀行服務、網上支付系統嘅PayMe、Alipay同埋WeChat Pay，只需要撳個掣就可以用電話支付賬單同埋做財務交易，非常簡便；而日曆apps就可以協助我哋整理活動同埋預約，其中一個值得推介嘅係Cozi。   明智管理時間 如果你個仔要去練波幾個鐘，咁你就可以用中間嘅空檔時間去商店買嘢又或者係做啲家務。而如果你有兩個無論年齡同埋能力都接近嘅小朋友，你亦可以嘗試問下教練可唔可以畀細嗰個加入哥哥或者姐姐嗰班，咁樣做絕對能夠為您節省好多寶貴時間。   支付帳單自動化 作為媽咪一般都有好多嘢要做，如果你有機會可以係需要處理嘅清單上刪除一件事項，咁樣你應該好好把握呢個機會。 寫支票、去銀行、付款等呢啲日常事務都係非常費時，如果你唔想再花太多時間去處理，你亦可以選擇使用自動付款。