呢篇都應該可以算係我最唔想寫的文章，不過都應該記錄一下嘅。事發的經過就係咁嘅，但我想講雖然件事係咁，但其實當中都係有好多感恩嘅； 23/2: 孖爸開始發燒，個人好累，當天快測係一條好弱 好弱的陽線。 24/2: 由於工作關係，佢未出現病徵前的一天已經做了PCR 政府的核酸檢測，到24號早上自行在家中快測，已經發現有BB啦! 當天的病徵都係keep 住發燒，肌肉痠痛，成身無咩力咁。 到當天的傍晚收到政府 PCR 的陽性報告。(所以呢....快測遲一天都未check到有BB，PCR 早一日未有病徵時已經check到了。) 25/2: 佢都係ON & OFF咁燒，不過一直都無太高燒過，佢主要係周身骨痛及全身無力。 26/2: 佢係差唔多到第4、5日才開始有少少鼻水同乾咳。 27/2: 第4日開始已經無再發燒，主要係喉嚨搔癢，佢表示喉嚨係無痛嘅感覺，但有夜裡盜汗。 28/2 第2朝起身，佢話出咗身汗，個人感覺已經好好多了。 1/3: 佢表示都無咩病徵，係偶然喉嚨痕癢。 2/3: 佢都係話無咩野，我話再幫佢用香薰治療KO，佢都話已經無事，唔洗再搽了。 3/3: 出現返最初個條弱陽線。 4/3: 已經再無2條BB線 5/3: 連續第2日陰性 平時孖爸係最唔聽話嘅一個，預備比佢飲嘅Super healthy drink，預備比佢食嘅supplment基本上佢都係無咩點follow嘅，而且佢係長期唔夠休息嘅一個，所以希望佢今次之後，乖乖返跟返預備比佢嘅天然補品啦。 你睇佢宅在家，無事做.....哈哈 經過11日恭喜佢畢業啦，可惜呢樣野已經蔓延咗去第2個人度啦，而個個人就係我啦。 26/2: 由佢中開始，我地一家一直都有帶口罩，亦有盡量分隔開大家，但畢竟一間屋有幾大呢，還是有好多野都係一定要共用的啦，過咗幾日大家都仲頂得住，本來我自我感覺都應該OK嘅，可惜25號開始來M，個人自然跌watt啦，再加上我係第一手接觸病毒，每天幫佢用香薰治療應對的一個人，仲有清潔屋企，消毒等等餘下100樣工作可以省略啦.....呢日早上快測都係未中嘅，不過當晚簡直係大瀉天下呀，真係poo到我腳仔軟呀。 27/2: 早上起來又係每日一撩嘅時間，真係唔撩唔知身體好，一撩就知自己有咗啦.....LOL! 當日開始有見頭暈啦，其他都無咩特別。 28/2: 第3日開始低燒，腰酸背痛，工作關係我都已經算係成日彎腰，但都真係未試過條腰咁痛。 1/3: 都係on and off 咁低燒啦，感恩都係乾咳，喉嚨同孖爸一樣都係無疼痛過，主要係個人疲憊d啦。 2/3: 已經再無發燒啦，開始流下小量鼻涕、打噴嚏，小小肌肉痠痛咁啦。 3/3: 到晚上開始出現傳說中的耳鳴啦，呢樣係我先有，孖爸都無耳鳴的，可幸都唔係好長時間鳴，係間唔中一次咁。 4/3: 同樣都係好偶然有d耳鳴，同埋小小鼻水，其他都無咩野啦，快測亦出現弱陽線。 5/3: 快測無BB啦。 6/3: 第2日快測都過關啦。 我大概就係由7日左右開始轉返陰啦，又到我畢業啦，但可惜呢單野又蔓延咗去第3個人度。 好多謝佢地知道媽咪中招，2個都晝晝給我。 4/3: 其實由爸爸中開始，我每日都好認真check對仔體溫，同留意佢地身體上嘅變化，個日早上起身，係佢地係全身暑假之前最後一日上網課，開始時已感覺哥哥體溫偏高，同佢快測就出現一條弱陽線。 但呢一日，我的確係真心驚，但無panic，佢中午食完野之後就轉頭嘔返哂出來，到下午我見佢之前lunch 的食物都嘔返哂出來，於是就比咗小小白麵包佢食，同比野佢飲，可惜佢都係轉頭就嘔返哂出來，同埋佢都無咩心機，唔玩唔多理人，咁正常既，發燒即係自己身體打緊仗，打仗梗係好累啦，佢想訓都係好正常。 於是，我心諗唔食就算啦，開始用自己芳香治療的知識去幫佢，等佢無咁辛苦，等佢可以快d KO，大大地提高稀釋比例之後，幫佢用同爸爸同一set 打大佬嘅精油去幫佢按摩。佢第一日真係累到一路幫佢按摩，佢一路已經訓著。 當然亦有幫佢支援呼吸系統，那邊箱亦有用對應的精油幫佢去處理體溫偏高，因為人其實係一個整全，所以問題都係要相對應去處理先會更有幫助。 好老實，我地屋企真係無西藥，無論大人同小朋友都係一粒都無，因為我地一直相信最重要的係提升免疫力，朋友都有d心驚因為我地真係一粒藥都看門口。當各大whatsapp gp都講緊要買咩藥嘅時候，我都有一刻想過去買嘅，但可惜孖爸中招來得太快了，都未買得切時已經發生了。 後來，有朋友亦幫我地好難地買到幸xx風素。雖然我地都係一粒都無用過，哥哥靠自己就已經在第2天晚上開始退燒，但當中還是滿滿的感謝，那份心意真係難能可貴。 其實以我自己來講，的確係6年無探過西醫，唔係唔會病，但的確自從自己開始應用芳香治療之後的確係病小咗好多，亦感恩就算有咩小問題都可以應用返自己芳香療法的知識去處理。 到當天晚上哥哥已經無再嘔啦，可以食哂我比佢嘅粥。 5/3: 到第2天奇怪的事發生啦，哥哥快測變返無BB線。但佢on and off都仲有燒嘅，感恩嘅就係佢無再嘔，亦有返精神同我地傾計同玩，而第2天晚上亦已開始退燒了。 6/3: 其實每日我都有問佢喉嚨點呀，肚仔點，頭點呀，佢都係答我無野，好感恩係神嘅保守同看顧之下，除了第一天嚇破膽之外，佢都真係無咩野! 當然到底入面點樣，肺點樣，之後會有咩影響，呢D野暫時真係無人知。但還是要大大力感謝。 當然最要感恩嘅就係細孖佢，縱然屋企有3個行走中的 Omicron 佢都頂得住，撐得住。真係好叻叻，多謝嫲嫲之前一直煮有營養嘅比孖寶。 除咗多謝嫲嫲之外，亦多謝天父早係多年前為我打開另一扇門，比個機會我去認識香薰治療，無形中令我喜歡上，去探索、去讀書、去考試、去增值、去充實自己，亦比咗個機會我一路以來幫助更多嘅朋友，更多家庭的健康。 簡單咁分享返係今次我地全家人過程之中，我地用咗咩方法去幫助哥哥咁快可以打底d 病菌，同埋點盡力保住弟弟對付我地呢3個行走中的Omicron成功啦，其實由知道爸爸中招開始； 1. 佢地食飯嘅時間之外，都有帶好口罩，反而係我最初有時唔乖，唔係成日帶住。 2. 每天都會幫佢比搽含有 丁香、檸檬、肉桂、尤加利、迷迭香嘅複方精油去按摩腳底。全屋連房都會長時間用超聲波精油擴香機來擴香呢一款複方精油，利用擴香機以水氣發散精油，通過振盪讓精油分子撞擊，轉化成極細緻有用分子，快速散播到空氣中發揮作用。 3. 孖爸、我、哥哥用完的廁所都會萬用家居消毒清潔液來消毒屋企，其實呢款清潔液由佢地係細BB時已經開始用，因為既可以做到天然殺菌，而且又無害，就連BB同寵物都OK。我地一直用嘅呢款係有別於市面上其他殺菌同時又傷身嘅化學清潔消毒劑，試想像下以家我地每日如果都要用化學成份嘅噴霧、清潔用品，太多致癌物質同毒性成份嘅話，長遠會唔會有機會變成毒害身體!? 亦有無可能引起其他皮膚問題!?所以由佢地好細個開始，我地一直都放心用呢款萬用家居消毒清潔液來清潔同消毒屋企每一個角落。 4. 弟弟每日都係第一個沖涼嘅人，佢沖好哂，我地3個行走中的 Omicron先會去沖，沖完亦會即時消毒返。 5. 爸爸中時，我即時幫佢用一套10支嘅精油搽係脊椎，因為脊椎係人體的支架，神經氣場全部都連結在脊椎上，有為我地修復嘅功效。 不過提提大家唔好好似我咁貪方便，記住係幫人做呢個treatment之前，一定要用1-2滴含有甜杏仁油、佛手柑、沒藥、天竺葵、神聖檀香、依蘭依蘭、芫荽、黑雲杉、香蜂草、牛膝草、玫瑰嘅複方精油搽係耳背、shoulder上，增加對自己嘅保護，千奇唔好學我咁偷懶呀。 6. 而係調節體溫方面，就可以用含有 丁香、檸檬、肉桂、尤加利、迷迭香嘅複方精油+檸檬精油去按摩脊椎/腳底。咁樣可以幫大人同小朋友在體溫過高時調節一下，亦會令佢地感覺會好一點。 7. 當然呼吸系統亦需要支援啦，大人有4寶可以應對係呼吸系統嘅位置上，對我同孖爸來講的確係好有幫助，我就唔係度再咁長氣啦，如果想知道詳細係點有需要嘅朋友可以去 荔枝與孖寶嘅page post/PM問我，如果幫到嘅我一定會盡力幫忙的。 雖然我地都中咗招，但係都好感恩係呢段其間仍然可以用自己嘅知識同好多家長分享到呢個天然方法去幫到佢地的小朋友，講真如果唔係日常我有信心同有努力幫佢地增強免疫力，我可能同好多媽咪一樣都會panic，所以我好感恩自己可以真正幫到其他人應對呢一場瘟疫，其實做媽媽嘅自己中唔中都係其次，最緊張嘅都係自己小朋友，所以真係好明白。 9. 每天全家都飲暖和嘅檸檬水。 10. 由佢地差不多4歲開始，每天早上我都有比佢地飲一杯super healthy drink，呢個可能亦係哥哥咁快ok返，同弟弟頂得住嘅關鍵，因為呢杯杞子汁含有原粒有機枸杞（雪果，強力的多醣體），加上藍莓、紅莓、橙以及胡蘿蔔等多種新鮮果子的原汁液製成， 除此之外還含有橙、西柚、檸檬和柑橘精油，充滿93% d-檸檬稀（檸檬稀是強效的活性抗氧化劑，有助維持人體正常細胞的功能），18種氨基酸、21種微量礦物質、6種優質脂肪酸、維生素B1、B2、B6、C和E、蛋白質和β -胡蘿蔔素等等，可以支援身體多個系統。 要打好個底，其實真係要由日常開始，好似我地咁每日俾孖寶飲一包，唔駛煲唔駛煮，係天然健康。免疫力其實唔係天生。真係依靠每一日去儲返來的，你每一日幫家人嘅補充，就好似養住d 士兵咁，佢有需要時派佢地上陣就係睇你平時點幫d士兵打好個底子。 真心大家都應該係呢個時候做多少少，幫家人做多一步。起碼唔駛日夜都咁擔心，令成個人d精神都緊張哂，影響埋身體，所以真正有價值嘅營養食物真係好重要呀。 11. 家人同朋友都有分別幫我地買來乾同新鮮嘅魚腥草，簡單用來煲雪梨，無花果，加果皮，南北杏來飲。不過留意返，都幾涼的有需要時先飲吧。 12. 每天早睡早起，充足休息亦係提升抵抗努力嘅重要一環呀。 13. 每天早上起床，我都有用冷壓有機初榨椰子油加一drop檸檬精油來做oil pulling，油拔法好處多不勝數，可以把口腔內的細菌帶走。人的口腔有多達 10 億種的細菌，油拔法正正可以把這些毒素黏附，如果進行油拔法一段日子後，吐出來黏附在油中的黏液會逐漸減少和變得變清澈。 Suggest大家平日都可以keep住做oil pulling呀! 14. 每餐後我都用天然成分，不含酒精、人造染料或調味劑，含有精油嘅清新漱口水。 15. 幫小朋友補充益生元+益生菌，佢地2者之間係有synergy效應的，因為腸道健康真係好重要的。同時亦有比佢地補充多元維他命的。 16. 爸爸有適時網上睇早醫來幫助舒緩病症。 我亦好想借呢個機會多謝送食物，送物資來的家人。正如我之前所講: //It was the best of times It was the worst of times// 而我見到嘅就係the best of times ，因為我係當中見到好多愛，好多謝你們每一位。 當然亦感恩佢地有更多時間相處，佢地成日講故事，幾溫馨.....哈哈 順帶一提，無論係咩手環呀，防疫包呀，麥芝包呀，隔離令呀....so far 由申報之後到今日過了20天都未見影。不過都唔緊要啦，唔洗啦，亦以後都唔需要啦，多謝哂。 最後提提大家啦，有機會就一定要由日常從根本開始打好個底，養好D士兵，如果想了解更多芳香療法點樣可以輔助到我地應對，仲有呼吸系統支援4寶詳情，其他super drink/無毒清潔液，或者有咩其他問題都歡迎大家到 專頁 pm問我地啦，都係個句啦，可以幫到嘅我一定盡力的。 還是想祝福大家，希望大家都身體健康，疫情快d完結，大人同小朋友都可以過返正常生活同有返正常童年。 大家 保重! P.S. 如果大家有咩事，請記得要去睇醫生診症呀。 我和孖寶的Facebook Page: 荔枝與孖寶 我和孖寶的 Instagram IG#: laichimama Oh爸媽 - ohpama.com: Featured Bloggers MamiBuy香港媽咪幫：駐站部落客 Sunday Kiss: Featured Bloggers SuperMami HK：Featured Bloggers Beauty Exchange：Certified Blogger WeShare HK 親子： 推薦博客 ESDlife: 「靚太星級榜」Blogger 廿四孝父母 - 24parent.com: Featured Bloggers 媽媽經台灣/香港站: 駐站作家 uBaby 懷孕育兒生活雜誌: 駐站作家 香港01: 專欄作家 台灣親子集合Tagmum : 專欄作家 If there is any question or you looking for me and the boys, please feel free to contact LaiChiMaMa via Email: cherrywcchan@gmail.com
