今次第2胎一直都係全人奶， 除左密密埋身同泵清之外，都有煲代茶飲keep住奶量， 每次埋身餵完仲可以泵到300ml做儲備，有時會俾埋大仔飲。 哩個上奶代茶組合仲可以預防塞奶同幫助通奶， 所以今胎我好少塞奶，都係試過1-2次，同埋好快1日內就可以通番， 當然勤力泵清都係好緊要 ! 材料： 通草 - 清熱利水，下乳通竅，治產後乳少，乳汁不下。 王不留行 - 有活血通經的功效，可用於治療產後乳汁不下及乳癰等證。 果皮 - 行氣健脾，氣足及脾胃健康絕對影響奶量！ 圓肉 - 益心脾，補氣血。 杞子 - 補虛損、益精氣。 黨蔘 - 有「補中，益氣，生津，健脾」等功效。 黑豆 - 黑豆中的蛋白質、維生素B6和維生素Ｅ，有促進發奶的功用。 加晒所有材料落煲加水，煲至水滾後再焗多15-30分鐘就可以了~ 煲一大煲已經可以當水飲全日了。 當然建議先問問中醫師哩個組合岩唔岩自己體質! ---------------------------------------------------------------------- Facebook 專頁：Elvava Instagram：vava.nga