好耐冇更新個Blog, 決定再更新係希望可以揭開名幼上堂神秘面紗, 等各位媽媽好好了解一下自己小朋友入咩學校比較合適:) 創價幼稚園K1- 九龍塘著名Happy School o係放棄左好多傳統考學校神校eg,根德園係因為最後我發現由play group玩呢個遊戲到拎到咁多間學校offer, 我最想係我女開心成長,所以我簡左出名愛心同藝術ge 創價 創價絕對冇令人失望, 番學前派左本自家製ge書,係以創價外觀,校室設施黎話比小朋友聽番學日常,圖中每個小朋友都著住創價校服, 令親子閱讀顯得好有趣好寫實,仲令小朋友好早就好似好熟悉個環境, 唔驚番學, 小朋友番左學幾日已經每日期待番學,就好似成間學校有magic咁: 到底有咩Magic? 根據小朋友所講, 每個老師都認得哂d小朋友,叫得出名, 每星期都有主題教學誘發佢地興趣, 再鼓勵小朋友做小手工表達(因為K1係唔學中文字,唔執筆寫字)想法, 每星期仲會混班混齡上堂(呢樣超好, 小朋友會好快學到表達自己,因為同大過自己ge小朋友有相處機會),學校仲有自家廚房整健康食物比小朋友做snack,仲有仲有,所有小朋友都會獲得校監池田先生日本送黎ge創價公仔,著住校服, 女仔係可愛ge粉紅色工作袍,我個女到而家都每日攬住訓,歸屬感真係由心思培養出黎....下散肥豬明每日番到黎一百句番學好開心,好想見到d老師 疫情下... 可惜, 適逢疫情,回想番,番左十幾日學就開始zoom了, 但老師每隔日都會打電話黎問負責ge小朋友情況,每日zoom都會make sure每位小朋友都有被叫到名,被讚, 每星期都編好上d咩,主題係咩,會送功課黎盡量令小朋友影響減低,最重要係keep到小朋友熱度, 依然成日都問幾時可以番學呀 肥豬明已經好好彩,最後成個k1都番到幾個月學, 有好開心ge校園生活....好多謝好多謝呢間幼稚園, 佢變到好開朗,好鍾意番學,好鍾意畫畫,好有自信同人傾計,呢d都係好珍貴ge quality, 我認為唔係谷ge學校能夠比到, 當然, 平心而論,如果for考神校小學,佢學術程度當然係比較淺,而且好小功課,更加第一年唔執筆寫字學字,但到底你地希望自己ge小朋友成為咩野ge人....? 預告 可能大家見到封面相,會想問到底去左香港邊度秘景藍天白雲咁靚, 但我地已經人在加拿大-溫哥華喇 下一篇開始會講下stream A 移民之路, 特別係for有小朋友一齊要點安排處理:) 希望大家唔好放棄, 大b細b超細b都行到想行ge路:)!!   Please feel free to leave comment:) Please follow or pm for question via instagram : hera_ip Thank you!