上星期拋夫棄子， 同好朋友去行東澳古道 由東涌步行至大澳 正常需時大約三小時左右， 但我哋行下hea下影下相、沿途又食下嘢， 所以就行得好慢 ，由十二點半出發 去到六點半先到達大澳。   但其實以古道行山徑嚟講十分容易行， 因為沿途佔9成都係石屎平地， 當日好天又唔曬，又好風，行得真係好舒服。 沿途中經過幾個淺灘，有好多人喺度摸蜆 我哋就行過補給站或者小食亭，都坐低食下嘢。 山水豆腐花、 新鮮蠔餅， 燒賣魚蛋走唔甩， 第一次行山唔餓之餘，仲飽住個肚黎行 入到大澳好似去咗花墟咁旺， 仲多人過旺角 原本打算六點入到去就坐返巴士出東涌 但排隊出東涌嘅人龍多到用咗一個小時才能消化條人龍。 所以最後我哋決定喺大澳食埋嘢先出市區。 好在大澳夜晚都好多街邊小食檔， 冇堂食都唔怕餓親。 p.s. 原來大澳有一間由過百年嘅舊古蹟大澳警署改建而成嘅大澳文物酒店， 下次有機會都想同老公嚟staycation, 好有情調。