放假在家，唔記得買定適合妹妹食嘅茶點，所以唯有自己動手整俾妹妹。   今次今享嘅茶點係無蛋、無泡打粉，亦唔需要免揉麵團同埋免發酵嘅茶點。   而且材料亦好簡單，屋企一般都會有~   小朋友一肚餓通常都想即刻有得食，所以如果要自製小食俾佢哋。 唔需要揉麵團同等發酵嘅茶點，絕對係我首選。   ^ 妹妹都話要幫手整埋一份。   今次分享嘅食譜「芝麻粒扭紋棒」，口感係酥軟不硬，仲好香。     材料: 低筋麵粉...50g 水/奶/方奶/豆漿...20g 芝麻粒...適量 砂糖...5g 橄欖油...10g   做法: 1. 將所有材料倒入，拌勻至無粉粒。         2. 將麵團平均壓平，再分成你想要嘅數量。   3. 再將麵條，扭數下，形成扭紋條，或用曲奇模製作其他形狀亦可。    4. 放入焗爐160度，焗12分鐘左右，放涼即可食用。 ^ 芝麻粒扭紋棒    ^ 簡單易整又好味嘅幼兒小食。    ============================   記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://cmozostore.mallogram.com/zh-hk/