天氣一熱，親子露營活動我哋就會停。   因為始終係戶外活動，就算夜晚都會擔心小朋友瞓覺出晒汗，好熱。 所以，露營又嚟到季尾啦~~   稍後要等天氣涼，我哋會再去過~     最後跟大家分享兩個場地，本篇先介紹「有型地農莊」。   場地位於天水圍，大家經常會問多唔多蚊、有冇豬屎味、有冇廁所、浴室?   由於我哋都會帶住小朋友去收費露營場，所以有企理廁所及浴室都係優先考慮。   ^ 沐浴花灑有3格，門後有數個掛鈎。   ^ 廁格有3個。   ^ 女廁及浴室 (儲水式電熱水爐)   ^ 男廁及浴室 (一開即著電熱水爐)   至於有冇豬屎味，真係要實地去過先知道~ 因為有啲場地，近豬場會有豬屎味，再加上當日大唔大風。   ^ 亦有公用休憩空間   蚊患方面，我覺得戶外活動一定有的，所以防蚊用具係唔可以帶少的。   今次呢個場地我覺得有好，亦有唔好嘅地方。   我哋當日去，每個營之間嘅分隔空間都算多。 所以，瞓覺嘅時候都唔會好受其他人影響。       明白，總會有人話「要瞓覺就返屋企瞓啦」。     但去戶外露營，都係想感受一下大自然，聽住昆蟲叫聲、大自然嘅聲入睡。 (而非人類發出嘅嘈吵聲、喧嘩聲 (如: 猜枚) 等)   ^ 感受大自然   空間足夠俾小朋友跑、跳、玩樂。   場地亦可以租燒烤爐。   我覺得唔好嘅地方，就係去要洗手間或沖涼的話，必須要推開營地大閘，過條小馬路先去到。   ^ 搬家式的親子露營 (哈)   我哋去嘅收費場地，都係自己準備裝備，自己搭營。       不停食嘅妹妹~     帶住小朋友的話，呢一張露營摺櫈真心好坐，就算大人坐喺到煮食亦都好方便，高度係剛好! 購買連結: https://papaya-shop.hk/collections/outdoor/products/4560464257168   另外，每次露營都係不停地食的我們... 每一次出發前，都要預先諗定大人、小朋友菜單 (第一日午餐、下午茶、晚餐、宵夜; 第二日早、午餐)。 特別係帶著幼兒，菜單更加要分開煮。 所以，唔想帶太多嘢，菜式一定要諗清楚計劃好。     ^ 朋友嘅燒和牛，超正!!   ^ 日式炒麵   ^ 麻辣雞煲   ^ 從12蚊店購入嘅煮飯神器，一人份量   而每一次露營，都會遇上新挑戰，因為永遠都會帶漏嘢。 今次，我哋忘記帶鑊剷，所以早餐炒蛋要用匙~ 但係，完全冇問題!     分享完美食，當然都需要清潔餐具、廚具吧。 營地入面，有洗碗、洗食材嘅地方。 也有提供洗潔精，不過我通常會自己攜帶。     最後，我最鍾意營地入面小花園呢個位置，因為可以同小朋友影相留念。         費用:    日營入塲費成人$100（小童*$50） 停車場：日泊$50 夜營收費每位$200（小童*$100） 停車場：過夜$100 （下午2:00至翌日正午12:00） 備註： 小童：4歲至11歲。   【有型地農莊】 地址: 天水圍馮家圍 23 號 https://www.facebook.com/yycampground     【露營】露營物品、用品介紹及分享 | 新手入坑 【親子露營】露營初體驗 x 秋季親子活動 x 兩日一夜 | 新手露營 ============================   記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://cmozostore.mallogram.com/zh-hk/