物資篇～原來好多人都唔知，其實中咗covid，如果因尚待入院或要居家抗疫嘅人士，唔可以自行安排基本日常嘅人，係可以打去民政署申請物資㗎！ 因為貝貝婆婆同我地一齊中咗，我地少咗婆婆嘅物資派送鏈，所以我地都有一齊打去1833 019「居安抗疫」24小時熱線，申請物資同日用品！首先你要提供返個人資料，確診訊息嘅參考編號，地址，報返同住嘅人數同年紀，佢地會因應人數同年紀，安排返相應嘅物資，例如同住有bb嘅話，見過有人係可以拎到尿片同奶粉（無得指定牌子）！我地一屋4人就拎到4大袋物資加一袋日用品！但隨住確診人數越黎越多，人手應該有啲緊張，要留意返嘅係你唔會知佢安排邊日送貨，我地申請完翌日就送達，但婆婆果邊足足等咗3日先到！同埋每戶派發嘅物資種類同牌子都係隨機，好似我地都收到好多蛋糕仔咁，婆婆一個都收唔到。不過我見午餐肉、粟米、米，麵都應該係穩膽，屋企唔夠野食果時都真係可以幫到手！ 呢幅係婆婆屋企果邊收到嘅物資：   Reference: https://www.info.gov.hk/gia/general/202203/15/P2022031500299.htm   民政事務局呼籲，「居家抗疫人士」及其家人應盡量透過親戚、朋友安排或透過互聯網／電話訂購日常用品和食物，讓民政總署的居家支援物資派遞服務能更好地為真正有需要的人士提供適切和快速的抗疫支援。    ——— FB: https://fb.me/bowlpui   IG: https://www.instagram.com/bowl_lam/   #貝貝Alice #90後媽媽 #香港媽媽 #新手媽媽 #新手爸爸 #育兒日記 #育兒生活 #新冠病毒 #武漢肺炎 #covid19 #中咗就係新人類 #肺炎物資 #covid物資 #民政署物資