記得大約4年幾前，仲諗緊自己有無得生。 到而家能夠有幸成為2寶媽，確係上天對我們夫婦二人的恩賜。 上月初生完阿囡，住完3日醫院之後，就立即開始在家中湊B生活和坐月。 3年前阿仔出世不久，我們夫婦便把坐月的大小事交由99主理。 但是這次因為6299要幫忙湊住哥哥，所以唔想99太辛苦，於是向外求助。 只可惜新冠疫情仍未過去，要揾陪月唔容易，亦唔希望因而增加傳播風險，於是揾到 良月 Excellent Moon 為我設計專屬的月子餐單。   首先我想講的是，整個過程都係好細心和貼心。 第一，在出餐單之前會有中醫師以視診模式，就番我時間去了解我的身體狀況、以及飲食喜好之類… 對話的過程好似跟朋友傾偈咁輕鬆，真係好多謝袁醫師～   由於我寫這篇博文時，仍然係坐月期間，所以在這裡分享頭7天有幾多餐同埋食過什麼啦～   每天收餐後，我需要立刻打開保冷袋，餸菜排得井井有條。 然而大部分的食物都是以可進微波爐的紙碗載住，加熱真係好方便。 而一些可冷食的食物，例如甜品和水果，會另外以小保冷袋包著食物和冰袋，以免變壞影響食物質素。 其實每一日固定會有早、午、晚三餐，加埋下午茶、宵夜、代茶、湯水和一個水果。另外每隔4日仲會有一大支植物奶。 另外，第一日的餐單會包埋一星期份量的炒米茶包。 下圖就係我第一日的食糧，係咪好豐富呢？     早餐 因為收餐的時間為每日的中午時段，所以是留待第二天早上才進食。 每日的早餐都好唔一樣，而我比較喜歡 粟米吞拿魚飯團 和 香煎餃子，味道比較簡單和飽肚。 加埋每4日有一支 植物奶，例如這支黑米奶，只要加熱至微温後真係好香，連阿仔都鍾意咗，成日去雪櫃拎出嚟要我倒俾佢飲。     午餐 我覺得午餐真係好正，每日的餸菜總有是我喜歡的，例如 松子燴三文魚、薑燒南瓜栗子雞… 連 章魚肉餅煲仔飯 都有，都唔知幾耐無食過煲仔飯啦，真係 incredible 呀～     下午茶 午餐食完，阿囡開始活躍起來，成日要抱抱，一放低就喊得大大聲。 所以未到 tea time 經已好餓，而這幾天的下午茶除了治癒我的肚皮之外，還安撫了我疲累的身心。 陳皮紅豆沙 一直是我的 all time favourite，出現在第三日的下午茶中，食得到陣陣陳皮香，即時覺得甜在心。 另外，仲有 黑松露pizza、雞批、上海紫米糕、威靈頓牛柳BB 和 豆腐芝士蛋糕 都好好味，真係平時都唔會諗有咁多食物係可以食架…     晚餐 等到老公返來幫手湊住阿囡，我就去把晚餐加熱。 而我比較喜歡菜式有住家飯的感覺，所以 蕃茄雞柳 加 烤日式味噌豬肉 較為合適我當刻的心情和口味。 另外，魚都是我當時的 favourite，香煎比目魚 和 京燒三文魚 都清哂呀~ 仲會加湯水、時菜，而最令我深刻就是飯，因為並非一碗普通的白飯，而是有 燕麥飯、紅豆飯… 等等，加熱後不但有飯香，仲有不同程度的咬口，增加不少食慾。     宵夜 雖然話食完晚餐係好飽，但不變的是食宵夜會自動開啟第二個胃。 尤其是 桂圓杞子桂花糕 和 紫米露，有熱食有凍食，食到我 lam lam 脷呀~     代茶 飲水真係好重要，但有時覺得淡口可以飲吓代茶，例如 黑棗桑寄生茶 之類。 除了幫助補身之外，仲幫到我舒緩吓茶癮。     後記： 首先好多謝為我送餐的哥哥們，因為每日所有的菜式都是以一個大大的保冷袋盛載著，在中午時分送到，仲要大熱天時大汗叠細汗送到來，其實真係幾重幾辛苦吓～ 老實說，一日有咁多餐食，我起初都有懷疑會唔會食唔哂，或者食完會好易變肥豬。 幸好有老公同我一齊食，食量都好足夠。 另外，湊初生BB真係好攰，真係少啲體力和意志都唔得，所以食好啲有營養啲係一啲都唔過份。 連樓下看更也讚我生完根本無肥過，最緊要係阿囡食奶都食得幾唔錯吓~ 講咗咁耐，我又食完一餐啦，無咁事我去泵奶先啦，see ya~   良月： @excellentmoonhk Facebook: https://www.facebook.com/ExcellentMoonHK Instagram: https://www.instagram.com/excellentmoonhk/  Whatsapp: 9585 1498     謝謝各位收看，希望大家喜歡，歡迎任何合作和試用或出席活動 Email: shirleylkl1002@gmail.com   我的 社交 平台：Click Here 我的 Blog 平台：Click Here     温韾提示：是次產品由 品牌 提供。請各位自行衡量產品是否適合自己。如有需要，請先請教專業人士之寶貴意見。