上個月生日去迪士尼樂園酒店Staycation 之後覺得幾好，昕昕本身好想去，眼見端午節假期前一日入住價錢算相宜，跟昕昕爸爸商量後就各付一半錢讓昕昕住一晚，昕爸爸只係出錢但冇份去(*≧▽≦)   星期四下午昕昕放學食咗午餐後就立即換衫兼執咗d功課出發去迪士尼樂園酒店，而我就沒想到原來假期前夕有不少人入住，check in先用電話排隊，到差不多時再用sms通知正式排隊～～～     到check in之後男友帶昕昕和朋友的女兒小怡上房休息，而我就立即排隊book泳池俾昕昕玩水，昕昕本身好鍾意去有海景的房間Staycation 兼去泳池玩水，但由於疫情加上佢放假的日子唔多，所以今次只係佢第二次可以玩水的Staycation (´▽｀)       每間房的住客最多可以book兩個時段，我就book了check out 當日最早和離開前最遲可以book的時段，由於昕昕遲起床，最終只是去了check out 後的1145至1245時段。       雖然迪士尼樂園有健身室，但因為要湊小朋友，所以影完相就返上房。           今次跟生日果次剛好係另一個方向，上次5樓，今次6樓。       今次的景可以話係望得更遠，可以望見香港仔、中環等地……       我就帶備糉當端午節正日的早餐。       酒店Package 包毛巾蛋糕和卡仔。       而我本身帶咗樂信牌的蒸煮盒蒸糉和蒸熱鴻福堂湯包俾昕昕，因為昕昕喜歡飲湯(*^ω^*)       今次除了準備嬰兒床，我還要求了床欄，因為昕昕係個超反瞓的小朋友(*￣︶￣)       我們book了1830到華特餐廳晚餐，今次Package 包二人晚餐，所以小朋友就要另外再點餐。     二人晚餐倒是不錯，男友經常說在迪士尼樂園用餐打破咗佢認為主題餐廳食物唔會好食的定律～～～       我們加了兒童餐和一盆蔬菜俾昕昕和小怡分享～～～       我們更點了一盤甜品品嚐，用了昕昕金會員的滿$300減$100的優惠，最後大概俾$320埋單～～～       晚餐跟鄰枱的媽媽講起買大公仔，最後借了對方孩子白金卡的優惠買咗大公仔俾昕昕，昕昕開心到夜晚攬住佢瞓～～～       之後兩位小朋友就到playroom放電～～～       昕昕雖然玩得開心，但在酒店房要抽時間乖乖做功課(*๓´╰╯`๓)♡       到咗第二日早餐兼check out 之後就帶昕昕到泳池玩水～～       玩玩吓落雨就入室內池玩一陣～～～       冇雨就再返去戶外池，昕昕穿的是酒店半價出售的成人泳衣，折實二百多元找數，由於昕昕開始發育，所以我不會再讓她穿兒童泳衣。       昕昕為了玩滑梯就穿上泳池提供的救生衣~~~   昕昕玩完表示水好像有點深，所以只玩一次～～～       泳池有個資訊牌值得閱讀～～～       玩了接近一小時就去沖涼，泳池更衣室內只有兩個浴室，有齊洗澡用品，check out 後玩完水都可以在此沖身 (＾▽＾)        男友本身單拖湊小怡去playroom ，點知小怡未玩就瞓著咗，佢就睇住瞓著的小怡，之後跟我交換，佢湊昕昕去樂園門口行一轉，以便獲得一次入場次數（因為得昕昕一人係金會員入場）       我們取回行李後就決定去東涌午餐～～～       我們在東涌東薈城outback享受午餐，昕昕和小怡共享兒童餐，我和男友各點一個餐，我就分享自己那個餐的肉俾昕昕和小怡食。   最後我就帶住昕昕和小怡搭的士返元朗，而男友就拖行李回家，晚餐跟其家人過節。       生活易推出咗BB成長日記，方便媽媽記錄BB成長片段，我幫昕昕建立咗一個，大家有時間可以參觀=w=       我的網誌~~~ Google blog She blog (New)     She blog (Old) WOW Blog WeShare 媽咪幫mamibuy (駐站部落客) U Blog Bkmilk blog   我的飲食分享：     如有任何Blogger活動邀請或試用，可以聯絡我的電郵：     mandylau55@gmail.com