懷孕30週開始，就要開始計算寶寶每日嘅胎動次數 隨住懷孕週數愈大，寶寶一日一日長大 喺媽媽肚裏嘅空間就愈少 因此孕媽媽需要每日計算胎動次數   根據QE指引，寶寶8小時內胎動10次為之合格 否則就要入院，作進一步檢查   而今胎我確實比較緊張 30w6d，當日由朝早7點開始count胎動   0700-1000，二寶都有胎動 但1100-1500，我好似feel唔到佢有郁 而且8個鐘內都好似郁少過10次   因為平時二寶好活躍，喺我返工嘅時候會不停郁 但當日遇到咁嘅情況，內心真係有啲驚 然後我就提早收工，通知爸爸後就自行入院   喺QE第一次產檢嘅時候，姑娘提到有4種情況 是但中一樣，都可以直接上B4產房 1）見紅 2）穿水 3）陣痛 4）BB郁少咗   當日，我自行到產房 姑娘搵到我嘅病歷紀錄後，就到產房分流站 磅重、check BB心跳，當聽到二寶嘅心跳時 成個人當唐定晒   姑娘幫我攪好所有手續，我就自行到C2病房 換衫、check蛋白尿同尿糖，仲要吐口水做檢測 因為疫情關係，所有住院人士都要做病毒檢測   然後醫生同我照超聲波，二寶真係好曳 醫生話因為BB啲手腳向晒入面(即係向我自己) 所以我feel唔到BB有郁   BB心跳、胎水、臍帶血流都正常 醫生叫我唔洗擔心，之後再駁半個鐘胎心機 半小時內，寶寶都有胎動，一切正常 我就可以食飯啦     因為唔知要住幾多日醫院 所以爸爸放工後，買咗少量日用品同乾糧比我 仲有甜品做宵夜     至於醫院嘅宵夜，就有一包鈣思寶     夜晚瞓得超差，始終唔係自己屋企 而且半夜又有人入院，瞓下醒下 休息得好差 朝早7點，姐姐派早餐 姑娘check血壓、BB心跳，然後就等醫生巡房   醫生話二寶所有嘢都正常，可以安排我出院 我就通知爸爸，接我出院   出院前，姑娘比咗功課我做 每日都要count BB胎動，下次產檢時交     出院後，我都有認真做功課 二寶每日都within 1小時郁夠10次 絕對係個活躍嘅曳寶寶     #孕媽媽 #二寶媽 #二胎媽媽 #毛孩與小孩 #毛孩家庭 #hkbaby #hkmommyblogger #hkblogger #親子blogger #香港媽媽 #在職媽媽 #親子博客 #新手媽媽 #育兒日記 #親子日常 #hkmom #hkkids #hkfamily #wearehkkid #mamatown         想追蹤更多愛女及愛犬咖哩的生活日常 歡迎like & follow以下專頁, 亦歡迎產品試用或合作 #Facebook #Mamibuy #PressLogic #Blogspot #ohpama #UBlog #ESDLife     另想查詢代購資訊，可到以下facebook專頁 飛行媽媽雜貨代購團