「暑期活動～整鬼口水Slime #全自費 #非廣告 」黎緊就放暑假啦，我都希望可以介紹多啲活動俾大家參考下！早幾日貝貝同同學仔去咗整鬼口水Slime，其實本來我都好怕呢啲野，覺得痴到周圍都係????！但係自從貝貝同朋友玩過一次之後，佢地成班愛上咗，日日夜夜都提鬼口水，成日都話要去整鬼口水，一於帶晒佢地去D.I.Y，佢地知道之後真係勁開心！ D.I.Y基本價錢係$220，揀好想要嘅質地之後，要再加多$10-$20，貝貝就揀咗butter，佢係加啲CLAY入去，感覺上硬身啲無咁痴，之後仲可以揀香味，我地揀咗棉花糖味，每次拎出黎都香到爆！ 職員跟手會俾個杯仔你，可以喺材料區自選toppings，用黎撈落個slime到，剩係呢part都夠晒開心，我地幾個呀媽都不斷揀，公仔款都超多，有公主、stella lou、minions、spiderman呀，好多都有！ 預備晒所有野之後，大致上都係用攪棒撈埋晒，再用手掐成形加埋啲閃粉就ok！個過程要用啲手力，建議4歲以上嘅小朋友先去整，真係順便可以練埋小手肌，因為中途會整到對手勁黏，啜實晒對手，真係靠佢地不停搓下搓下變到成形先叫完成！我真係第一次見貝貝玩呢啲咁黏嘅野都無抗拒，我諗朋輩嘅力量真係好大！大家有興趣可以隨時walk in，無需預約！ https://slimeit.com/zh 地址: Shop 117, L1 @ Stanley Plaza Shop B242, Level B2 @ K11 Musea Shop 1053, L1 @ D-Park   建議自備全包嘅圍裙呀喂，好容易痴到周圍都係架！ 女孩子記得綁起晒啲頭髮！ 個別分店嘅價錢好似有啲唔同，我地就係荃灣整嘅 DIY SLIME大概可以玩到兩個星期 職員話舊slime唔好擺太熱嘅地方，會好易溶，佢話聽過有客人放雪櫃會㩒玩啲同無咁痴，但我未試   ——— FB：https://fb.me/bowlpui IG：https://www.instagram.com/bowl_lam/ Blog：https://www.mamibuy.com.hk/home/18060   #貝貝Alice #90後媽媽 #香港媽媽 #新手媽媽 #新手爸爸 #育兒日記 #育兒生活 #室內活動 #室內親子活動 #slimeit #slime #鬼口水 #週末好去處 #放假好去處 #暑期活動 #暑假活動 #愉景新城