迪士尼「奇妙處處通」夏日購物樂，會員注意！$20入場到底值唔值？ 我去果日係購物樂嘅首日，從未入過特賣場嘅我，本住去見識下無妨嘅心態入去購物！我一早預約咗中午場入去，只限一小時俾你購物，差唔多夠鐘嘅時候，會場會熄暗啲燈，提你要去埋單！好多人問我係咪真係咁抵？值唔值得去？其實我都唔係好識答，因為大家想買嘅野可能都唔一樣，我入去係想攻elsa、米妮、公主、cookie，但我只想話樣樣都只有少少，我去果場嘅duffy and friends直頭係零！不過我睇返迪士尼谷友資料，其實每場嘅商品都會唔一樣！如果你好似我一樣目標多，可能都會買得開心，但如果你只想攻其中一款卡通或其中一類商品，你一定會失望，例如本來我想入黎買遮或公主鞋，我都完全見唔到！ 我自己就因為住得近，趁住個女返咗學又有空檔，諗住一個人快入快走，所以都ok，但如果你只為呢個特賣場專誠入去，山長水遠為咗執平野，我就唔建議去啦！至於我買咗啲咩，可以睇返相片入面嘅內容！有啲係真心平嘅，最滿意係用$100各買到件frozen外套同belle公主裙真心抵！$60買到一件3套嘅嬰兒裙，真係分分鐘平過淘寶啲老翻！仲有啲毛公仔同barbie其實都好平，但我屋企實在太多太多公仔！我出黎嘅時候，仲行咗轉大街商店，見到我喺特賣場入面買嘅野仲做緊原價，心入面難免都有啲暗爽！ 但我就想勸大家如非必要都唔好帶小朋友入去，首先園內真係好熱，烈日當空下同佢行到去展藝館都身水身汗，個人已經好燥，如果仲要處理埋小朋友情緒，應該會極度影響只有一小時嘅購物慾！最誇張係我見到職員拖住問有無人走失咗個小朋友！展場冷氣亦都唔夠，我眼見好多小朋友攰到，都係坐喺地下等，仲會扭呀媽快啲走！同埋我排隊等埋單都等咗差唔多50分鐘，佢地一定無咁多耐性！ 如果大家有興趣入特賣場，可以入去呢條link預約！ 「奇妙處處通」夏日購物樂套票： https://www.hongkongdisneyland.com/zh-hk//offers-discounts/magic-access-shopping-event/?fbclid=IwAR2HL8DKLf4pv7KYpdwD-NouIKuDcxmuKvyFYK54gHLnJrNxg0D-AFdrzA8 價錢：$20 地點：展藝館（即係獅子王果邊再行入少少） 優惠包括 - 夏日購物樂入場證一張 – 每張入場證供一位會員於指定時間進入香港迪士尼樂園展藝館一次 - 港幣$20電子商品禮券一張 – 於指定日子當日於展藝館使用一次購買特選商品 - 指定禮品換領券一張 – 於指定日子當日於展藝館購買特選商品可免費獲贈指定禮品一份 ——— FB：https://fb.me/bowlpui IG：https://www.instagram.com/bowl_lam/ Blog：https://www.mamibuy.com.hk/home/18060 #貝貝Alice #90後媽媽 #香港媽媽 #新手媽媽 #新手爸爸 #育兒日記 #育兒生活 #迪士尼 #香港迪士尼 #迪士尼特賣場 #夏日購物樂 #迪士尼展藝館