趁住放暑假梗係帶小朋友盡情玩！ 嚟緊Leanna升小一，我搵到一個可以俾佢從玩樂中認識香港規劃同基建發展以及未來發展項目嘅地方！對於小學讀常識科好有幫助呀！   展區分為戶外同室內： 戶外「大未來歷棋」展區 以海、陸、空基建嘅繽紛裝置如港珠澳大橋、模擬航天走廊嘅無人駕駛運輸系統、壽司桌介紹香港航空運輸便捷等，以棋盤遊戲形式呈現香港聯繫粵港澳大灣區及世界各地嘅重要角色。       對於Leanna嚟講，哩度好似遊樂場咁好玩！除咗可以長知識，仲有得玩同打卡。場內可以體驗趣味AR 互動元素如高鐵動感號，高鐵躍現Leanna眼前！     而AR傳送門瞬間去旅行你睇吓Leanna去咗New York啦！     大家仲可以喺棋盤起點用手機掃QR code即時答問題同有趣知識，完成遊戲就可以去展城館換領紀念品啦!   換完紀念品，當然要參觀埋展城館! 室內展覽： G/F:「回顧與展望」展區 以270度環迴LED屏幕短片，短片拍得好靚！Leanna同我都睇到目不轉睛！     3樓展廳：「創建香港新未來」展區   互動屏幕收納咗多個規劃及基建相關項目，參觀者在屏幕點選項目後，會顯示該項目相關嘅資料，包括文字簡介、圖像及短片。     係「亮點項目」互動展區：令Leanna最有興趣一定係全港首創大型互動「L」形嘅LED屏幕去介紹規劃及基建亮點項目。     地下嘅LED屏幕為大型數碼化香港地圖。當Leanna行到地圖上嘅「亮點項目」，動態追蹤技術會實時啟動牆上LED屏幕相關嘅短片，幫助參觀者了解項目嘅位置同資訊！   3樓展廳「建島未來」展區 以展板及電子屏幕介紹中部水域人工島嘅藍圖。Leanna仲可以透過展內遊戲模擬自己係負責規劃交椅洲人工島嘅城市規劃師，係遊戲中起學校、房屋、公園等，從中了解規劃工作。     哩個展覽真係好適合大人同小朋友前來參觀認識我哋嘅香港。   「繼往創未來」規劃與基建展覽 展覽日期：2022年7月6日至11月30日 免費入場，無需登記 開放時間： 星期一至四：上午10時至下午6時 *逢星期二休館（公眾假期除外） 星期五、六、日及公眾假期：上午10時至下午7時 地址：香港中環愛丁堡廣場3號 （近大會堂低座）   更多展覽詳情，click入嚟睇????：https://www.envisioningbeyondlegacy.com/