整個孕期 由一開始嘅3個月起，就有呢堆醫生處方嘅藥 分別係DHA，葉酸，鈣片，阿士匹靈，鐵丸，同多種維他命 因為雙胞胎對葉酸、鈣同鐵需求都較大 醫生表示普通嘅多種維他命唔夠 所以就分開每樣一粒咁補充營養 需要食阿士匹靈係因為上一胎大女嘅時候 到8個月左右生長開始減慢到近乎冇長大 由本來細1-2星期，到最後細7個幾星期 所以有記錄低「臍帶供血不足」呢個問題 到呢一胎，因為雙胞胎中嘅MCDA更加容易出現呢個問題 所以孕初期開始就食阿士匹靈 由5個月開始，每日飲一包魚湯補充一下體力同營養 因為仔仔比較重嘅關係，好快就開始行路冇力，易攰等等嘅問題 飲魚湯有效令我精神啲，所以一路飲到生為止 選擇魚湯係因為試過滴雞精同魚湯 覺得飲魚湯之後身體比較冇咁熱 所以選擇淼魚湯 幸好整個孕期都冇乜路舒服 一直到8個月左右 每日一杯牛油果奶做早餐 聽講牛油果長胎，自己親身試完之後 最後嘅兩個月係長得比較多 雖然最後一個月BB嘅生長本來都會係最後衝刺 突然間快速增長 但係產檢嘅時候，醫生都有讚佢兩雙比預期生長得好同快 所以如果唔怕牛油果味嘅，不妨一試 整個孕期除左補充維他命等嘅藥比單胎多之外 其餘飲食都同未陀之前差唔多 因為肚嘅空間唔多，冇辦法食得太多 孕期只係重左大約14KG 兩隻出世各重2.5&2.7kg 唔需要減食同控制糖份吸收 兩隻都算錫住媽咪☺️