大女剛好5歲多啲 好多嘢都可以放手俾佢自己做 每日返咗學嘅時間就係媽媽嘅me time 可以慢慢同啲同學仔媽媽食個2個幾鐘嘅早餐再接放學 同佢出街唔洗帶好多嘢 可以同家姐兩個慢慢拍下拖 所有嘢都開始變得輕鬆嘅時候 我地就再挑戰：照顧初生 頭一胎嘅時候冇請陪月，由兩公婆分擔夜更，早更有婆婆幫手 除左訓教之外，還算唔錯 家姐好醒訓，而且唔可以放低佢自己訓著，唔止要手抱住，而係要企係度手抱..... 連諗都唔好諗要放低佢，因為佢好似有感應器咁會自動打開眼 睇返呢兩隻，真係媽媽嘅前世情人 當然加上有湊孖B經驗嘅陪月就更加事半功倍 陪月真係令我覺得好amazing，佢照顧兩隻再煮堆俾我同老公女女食都完全唔會手忙腳亂 仲可以訓練到佢地同時飲奶，同時訓教，飲完奶放低佢地呆一陣就訓著 全靠陪月，日間時間我地輕鬆左好多好多 夜更嘅時候，我地都為左方便照顧，刻意去調整到同步飲奶訓教 所以係初生未戒夜奶之前，就係我同老公增進感情嘅時候 我地係....煲卡通片同劇集！ 係果段時候，每晚大約會12點飲最後一餐奶之後，3點左右就會再起身 我地利用餵奶果1個鐘左右嘅時間，煲晒果期嘅熱門卡通同劇集 唔覺唔覺睇左好多套，有個伴一齊去捱眼訓，有共同話題，日子好快就過 夜更要自己一個半夜捱眼訓起身，但經歷完一日嘅湊仔時間，精力都用得7788好難離開張床 面對初生，有時會好沮喪唔知佢喊乜，唔知點解唔肯訓，唔知點解唔肯食，適當時候請主動搵人幫忙分擔工作，千祈唔好收收埋埋自己一個承擔呀！