終於趁暑假尾聲，去到傳說中嘅「百田遊園」屯門店！一直都被佢嘅天鵝電動船吸引住，好想帶貝貝黎玩，果然佢真係超級鐘意，雖然個池唔係好大，但小朋友已經夠開心，佢玩咗好多好多次！ 呢間室內遊樂場都算幾大幾多野玩，平日黎無乜人仲正，除咗有天鵝船、有電動車、吹氣跳彈床、滑梯、堆沙、仲有一個小分區係有超大量玩具，相信大細b都會玩到樂而忘返，詳細可以睇我影嘅相！另外我覺得啲員工幾多同細心，每條滑梯都有員工看守住，令家長好放心坐埋一邊等。 會員價 $210一大一細，玩足1小時45分鐘！價錢我覺得合理，又有船又有車玩。如果當時場地人數唔多，佢地會酌情俾多位大人入場，不用收費。 但建議提前預約確保有位，如無預約到場，時段額滿則無法進場   屯門百田遊園 地址： H.A.N.D.S。愛定商場A區302號鋪   ——— FB：https://fb.me/bowlpui IG：https://www.instagram.com/bowl_lam/ Blog：https://www.mamibuy.com.hk/home/18060   #貝貝Alice #90後媽媽 #香港媽媽 #新手媽媽 #新手爸爸 #育兒日記 #育兒生活 #暑假活動 #暑期活動 #親子活動 #放假好去處 #週末好去處 #室內活動 #打風活動 #落雨活動 #百田遊園 #屯門室內遊樂場 #室內遊樂場