珍貴嘅暑假真係眨吓眼去到尾聲，我哋仲未玩夠呀⋯ 想玩到最後一刻，推薦大家考慮嘉道理農場暨植物園暑假特定場 — 蝴蝶導賞活動。 唔知大家有冇去過嘉道理農場暨植物園呢？言妹妹細細個曾經喺嘉道理影過輯相，靚到好似去咗外國咁！相信去過嘅朋友都會同意，嘉道理農場真係一個非常獨特同值得到訪嘅地方： ▫️超級大 — 嘉道理農場係全香港最大嘅自然保護區，比起Ocean park甚至中大更加大呢！ ▫️有自家養cage free 走地雞，仲有出產雞蛋可以買!? ▫️農場供種植同畜牧嘅水源來自大帽山嘅流水，農場內嘅員工訪客都係飲用經過濾嘅溪水。 ▫️全香港約有250種蝴蝶已被記錄，而嘉道理農場則記錄咗201種！ ▫️ 嘉道理農場亦收養咗一啲受傷而需要照顧嘅稀少品種動物，我哋見到赤麂、貓頭鷹，同好得意嘅豹貓呀！ 當日嘅最後一個活動係手工木製工作坊，將自己最深刻嘅畫面畫起木製鎖匙圈上面。所用到嘅木材都係園內回收木材，例如係因為抵擋不住颱風侵襲而折斷的樹木。呢份獨一無二嘅紀念品可以時刻提醒我地要愛護大自然，真係好有意義❗️     8月24同31日仲有最後兩場暑假蝴蝶導賞活動，有興趣即刻去 https://www.kfbg.org/tc/events/summer-eco-tour-butterfly-walk 報名啦❗️   嘉道理農場暨植物園 (Kadoorie Farm And Botanic Garden) 香港新界大埔林錦公路   #環境保育  #賞蝶  #生物多樣 #家庭樂  #親子 #有機 #嘉道理農場暨植物園