怪獸寶寶出世了, 但外面世界好危險 怪獸媽媽好多野都好擔心 最後佢決定將怪獸寶寶吞番入肚裡面 怪獸寶寶係肚入面好想體驗外面的世界, 怪獸媽媽就將個D物件吞入去肚裡面俾寶寶去睇 但肚入面愈嚟愈迫啦, 咁點算呀?! 好耐無寫blog, 生咗第二胎真係好忙 又嚟推介父母睇既繪本, 個書名都講咗 <<怪獸媽媽>> 做人父母有無試過反問自己「我係咪好怪獸？」育兒路上,總會好多反思,好多猶豫,好多對自己的質疑 上安全圈課程時有講過, 孩子係天生有出去explore去探險的需要,父母要俾空間自由佢地 父母要學識放手俾佢地去探索呢個世界 但唔夠安全感的父母係會放唔到手㗎, 佢地會覺得放手好困難, 會好似書入面的怪獸媽媽咁,有好多好多唔同的擔心顧慮 父母唔放手其實都會影響小朋友的信心同自我價值 有時做父母的反而要提自己,其實我地無可能搵bubble 紙包住佢,等佢跟足你一世 導師有反問過, 作為父母「你保護得佢幾耐？」「你收得佢幾耐？」 要明白佢始終有獨立的一日 作為父母要做既,應該係為將來有一刻自己離開子女而準備，令佢地build up 自我療癒的能力 就算父母不在身邊，也可以憑著深層記憶球，好好過佢地自己的人生 父母要做既就係將安全感好似種花咁由細種落孩子心內，好好培植，讓他深根蒂固 放手從來都困難,需要慢慢學習放手,練習放手 好鍾意本書入面致謝的一句 「也獻給所有深愛孩子而跌跌撞撞的母親們。」 You are not alone.