萬眾矚目、萬眾期待嘅人氣新加坡得獎最大型兒童室內遊樂場《Kiztopia》，終於開幕啦! 《Kiztopia》係新加坡首屈指最人氣最著名嘅最大型親子遊樂中心，仲係2021年度新加坡旅遊局最佳景點體驗獎得主。 香港仲係佢哋首間海外旗艦店，而位置仲係好方便嘅沙田新城市廣場! ^ 原創卡通角色，包括廚師小熊Bell、運動健將Tiger、舞蹈員河馬Happy、工程師小象Eli、教師兔子Raby、科學家猴子Mark、歌唱家Honey及記者Drago 香港嘅《Kiztopia》旗艦店佔地12,000呎，入面嘅遊戲仲係秉承「從遊戲中學習，寓學習於玩樂」的創立理念。 引入8位大受歡迎嘅原創卡通角色，包括廚師小熊Bell、運動健將Tiger、舞蹈員河馬Happy、工程師小象Eli、教師兔子Raby、科學家猴子Mark、歌唱家Honey及記者Drago。 場內一共有15個遊樂體驗區域，真係玩到唔捨得走呀!! Mojo Zone超巨型攀爬區 (適合4-12歲) 「超巨型攀爬區」絕對適合鍾意跑跑跳跳、好動嘅小朋友!! 而入面仲有3個焦點地帶; Mojo Zone魔力歷奇地帶 入面設置咗條、最高可達4米高（約兩層樓高）嘅長滑梯。超級刺激呀，非常適合大膽嘅小朋友!! Ninja Warrior忍者訓練地帶 此區設多項極具挑戰性嘅障礙遊戲，如流星錘、懸索橋、垂直滾輪、十字轉門和蕩木鞦韆等。除了能改善身體嘅活動能力，仲可學習透過邏輯思維和毅力跨越障礙，從而訓練兒童嘅獨立性，勇於面對逆境。 Mark’s Trampoline活力彈跳地帶（適合體重40公斤或以下） 喺科學家Mark帶領下體驗跳彈床嘅瞬間無重力樂趣，挑戰身體靈敏度和空間感，增強嘅肌力及改善姿態，同時有助訓練策略思維和快速決策能力!! 【原創角色職業體驗】 每一間房，由上至下，由左至右都做到貼心周到。 等我同大家詳細分享啦~~ Raby’s Mart 超市購物體驗 入面嘅超市玩具超齊，生果、蔬菜、乾貨、米、海鮮、麵包，你諗到嘅都會有!! 仲要超級像真，所以妹妹都玩得超級開心呀!! 小朋友又可以扮店務員，又可以扮大人去超市購物，真係好好玩呀!! Honey’s Sandpit 木粒玩樂池 由於疫情關係，所以呢個木粒池仲未開放... Bell’s Cuisine 美食廚房 鍾意食嘢、玩煮飯仔嘅小朋友一定會玩到唔想離開嘅區域!! 因為食物超多、廚具又超多!! 呢個廚師機真心正!! 好似真嘅一樣呀~~ Happy’s Studio 衣帽化妝間 （香港獨家限定） 屋企兩位小姐最最最鍾意嘅區域，成間粉紅色房，入面仲有好多化妝品(玩具)。 仲有多款公主裙任穿，入到去人人都變公主呀~~ Eli’s Station汽車維修工場 （香港獨家限定） 超級鍾意!! 雖然我屋企係兩位小姐，但媽媽我見到都覺得好正!! 因為第一次見汽車維修工場遊戲!! Mark’s Block 創意積木工程 （香港獨家限定） 超有創意同埋教育小朋友分工合作嘅遊戲房，男仔女仔都鍾意玩。 【體力、腦力大考驗】 Drago’s Castle彈跳城堡 （適合3至12歲） 600呎嘅充氣彈床，入面有障礙物、攀爬等設施，真心超級放電呀!! Brick Wall 創意積木遊戲牆 長達6米嘅《Kiztopia》人物巨型積木遊戲牆，小朋友可以發揮無限想像及創意，隨心所欲，想怎樣砌就怎樣砌。 【幼童同享受】 Raby’s Corner 幼童看護區 （適合6歲或以下） 如果小朋友太細，好似我家妹妹咁。家姐玩到刺激遊戲，妹妹玩唔到的話，呢個區妹妹都好放電~ 旁邊仲有一個攀爬牆和跳飛機。 ^ 幼兒早教遊戲牆 【精彩節目區】 Hero Square 英雄廣場 不定期上演豐富教樂新節目的大型廣場舞台，包括魔術表演和氣球扭扭樂等，Tiger和Raby更會隨時現身與粉絲會面及玩遊戲，敬請留意！ Star Lite 派對房 大家可以租房同小朋友開生日派對，記得同店員查詢哦~ Family Photo Area親子叢林打卡區 Bell's Cafe 提供輕量小食、飲品。 *溫韾提示* 進入遊戲區，請除鞋及穿上襪子。 場內暫時不設儲物櫃，所以貴重物品請跟身。 場內不設洗手間，建議入場前先帶小朋友去洗手間，就可以玩得安心又暢快~ 官方票價詳情 門票種類 入場時長 原價 星期一至四（非公眾假期） 1小時 # HK$158 2小時 # HK$228 額外一名成人（18歲或以上）／青少年（13-17歲）＊ HK$108 星期五至日及公眾假期 1小時 # HK$208 2小時 # HK$298 額外一名成人（18歲或以上）／青少年（13-17歲）＊ HK$148 * 1小時及2小時入場時長索價相同。 # 每次容許1名12歲或以下小童及1名18歲或以上的成人免費陪同入場。 【10次入場套票】 星期一至四（非公眾假期） 1小時 HK$1,338 2小時 HK$1,958 星期五至日及公眾假期 1小時 HK$1,888 2小時 HK$2,688 【年票】 星期一至四（非公眾假期） 每日1節（2小時） HK$2,888 任何日子 每日1節（2小時） HK$3,888 【Kiztopia@沙田】 地址: 沙田新城市廣場一期LB08-09, PLAY PARK 開放時間: 10am – 10pm Kiztopia香港官網和Klook網上平台 門票預訂網站：https://bit.ly/kiztopiahk ============================ 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel https://www.youtube.com/c/Wagyubmami ============================ 我的網店C.Mozo Store https://cmozostore.mallogram.com/zh-hk/
