等到頸都長>< 終於放寬出入境啦~ 劉媽好想即刻搭飛機 所以嗱嗱聲幫嵐姐、晉哥、細細佬拎特區護照先^v^  Ready to Flight  嵐姐、晉哥原本嘅特區護照過咗期，可以網上申請續證 》 https://www.gov.hk/tc/residents/immigration/traveldoc/hksarpassport/applyhkpassport.htm 嵐姐已滿11歲，只需 1. 網上填妥父母、小朋友身份資料 2. 上傳小朋友特區護照證件相 晉哥未滿11歲，另需 3. 上載有小朋友照片連學校蓋印認證嘅學生手冊 最後網上信用咭付款就完成申請啦~ 9月26號01:30申請；27號上午就收到電郵通知10月6號後有得拎護照。點解半夜申請？因為劉媽早幾日試過無論8am定係3pm或係1am去網站，都要等1-2嗰鐘排隊入網站～ 唯有再夜啲用媽媽metime申請啦。 . 而細細佬暫時只得出世紙，無身分證！係第一次申請特區護照 可以用郵寄/walk-in/投遞嘅方式申請！唔可以用網上申請！ 劉媽唔想去排隊，所以選擇郵寄申請 · 郵寄所需文件如下： 1. 填妥3份表格 - 十一歲以下人士的香港永久性居民身份證申請書[ROP3] 》https://www.immd.gov.hk/pdforms/ROP3.pdf - 香港特別行政區護照申請書 (適用於十六歲以下兒童在香港申請)[ID842] 》 https://www.immd.gov.hk/pdforms/ID(C)842An.pdf - 副署事項表格[ID 641] 》 https://www.immd.gov.hk/pdforms/ID641n.pdf ～ 細細佬未有學生手冊或其他身份證明，所以就要搵父母以外人士填寫，我哋叫咗婆婆簽呢份表格。副署人只需要响呢份表格簽名確認表格上嘅相真係嗰個小朋友，唔需要現身去入境事務處。 2. 準備3張合乎特區護照規格嘅證件相 ～我哋响屋村影相舖影 $98/12張 3. 準備一張支票，支票抬頭註明「香港特別行政區政府」（16歲以下嘅護照有效期係五年；32頁費用係$185 / 48頁係$230 ） 4. 將所有文件入信封： - 表格ROP3身份證申請表 - 表格ID842特區護照申請表 - 表格ID641副署事項表格（要貼好證件相） - 兩張證件相 - 父/母或監護人身份證或旅行證件副本 – 副署人身份證副本 - BB出世紙副本 – 支票 5. 郵寄至： 香港灣仔告士打道七號入境事務大樓四樓 入境事務處 旅行證件及國籍(申請)組 6. 寄出後就要耐心等待入境處寄領證通知書，預計十個工作天後就收到通知書，咁就可以預約取證。 · 上載合規格證件相 如果張證件相唔合規格會即時比你知道作出修改   上載副署事項表格   上載副署人身份證   選擇在那間入境辦事處取證 及 取證通知方法   確認證件資料   選擇付款方式   成功遞交申請 ^。^   資料未齊都唔怕～ 可以save底資料，7天內用返指定「檢索碼」嚟繼續申請 • 預約取護照 》 https://www.gov.hk/tc/residents/immigration/traveldoc/hksarpassport/bookingcollect.htm 取護照時，小朋友必須親身出席！如果申請人(填表嗰個人)抽唔到時間，可以寫授權書 》https://www.immd.gov.hk/pdforms/id678.pdf 委托其他人帶小朋友去～ 取特區護照要出示： 1. 申請人嘅香港永久性居民身份證 2. 小朋友嘅香港永久性居民身份證/BB出世紙 3. 小朋友舊香港特別行政區護照，辦理註銷手續  4. 小朋友嘅學校證明文件   嵐姐、晉哥經網上申請就收到入境事務處寄出的「領證通知書」   細細佬郵寄申請，寄出5天後收到入境事務處發出的手機短訊   . 如你已有身份證亦都可以親身遞交申請，預約網站 》 https://www.gov.hk/tc/residents/immigration/traveldoc/hksarpassport/booktraveldoc.htm 不過預約期已排到10月底 -.- . 如果續證，可以直接去入境事務處自助機辦理續證，證件相响辦理嗰陣會影埋，剩係跟住指示填妥資料，比辦護照費用，唔駛5分鐘搞掂 · 2022年9月30日更新