話說哲哲貓自從入讀小一後，功課默書小測質量都增多，其中讀默背默默生字默句子應有盡有。哲哲貓明言：「我鍾意返學但唔鍾意溫書！」為免把所有痛苦都推在默書前一天，我們特地提早三數天開始溫習準備默書，不過哲哲貓總是藉口多多：「我好眼瞓啊！」、「我好攰呀！」、「要溫到幾時啊？」性格急躁的急躁媽，固然被氣得七孔生煙，手掌拍枱拍得枱也歪了。 話說，是日下午三時半開始溫習英文默書，四句簡單句子加六個詞語，前兩天溫習的內容完全忘記得一乾二淨，得從零開始，跟哲哲貓互相廝殺了整個下午，終於我不得不打電話向哲哲爸求救：「你今日收工盡快返屋企同哲哲貓溫書！」 晚飯後，由哲哲爸接手當教育大臣，哲哲貓聽到「溫書」二字，即時失控跳掣大吵大鬧：「我好眼瞓！我要瞓覺！點解唔俾我瞓？」一哭二鬧三跺腳，真擔心鄰居會投訴。唯獨是哲哲爸堅定地說：「你唔可以就咁去瞓覺，你一定要溫好書先。你要喊可以繼續喊，我可以陪你陪到12點。」哲哲貓繼續發脾氣：「我唔要咁夜！我要瞓覺！」本來我也被氣得想放棄：「由得佢去瞓啦，聽日佢捧蛋丟架囉！」但哲哲爸非常堅持。如是者，在威逼利誘之下，父子倆拉鋸了45分鐘後，哲哲貓突然變得順從，好好地串字背字，花了30分鐘就完成可以去刷牙睡覺。 事後我跟哲哲爸討論：「點解哲哲貓後尾肯聽話溫書嘅？」爸：「大概係發覺再扭計都冇用，唯有屈服溫書囉！」是的，育兒之事，最重要是爸爸媽媽的情緒智商高，堅持底線，加上十萬分耐性，小朋友就不能透過哭鬧鑽空子。 嗯嗯，教讀書溫習這個重任，以後交給哲哲爸啦！媽媽是最終贏家！哈哈！ 爸爸媽媽記得緊貼金牛急躁媽的文章和到【哲哲貓的貓貓世界】facebook和IG，留意育兒資訊和交流心得喔！   《文章推介》 哲哲貓成長記│開學日，哲哲由幼稚園BB雞升級做小學雞啦！ 哲哲貓喊足15分鐘，唔氹唔阻止原來更好？ 哲哲貓成長記│估你唔到嘅購物「哲」學：巴士迷獨特嘅揀書包方式   今時今日仲揭字典？4個幼兒用字典終身受用嘅好處！ 哲哲貓成長記｜做咗小學雞一個月7個最大嘅變化同挑戰