最近九龍區又有新開嘅室內兒童遊樂場啦!!   場地都好大，玩一小時其實有少少唔夠喉!!   因為場內有好多遊樂設施俾小朋友玩，有彈床、小迷宮、有多款電子樂器、火箭造型嘅旋轉木馬、好夢幻嘅波波池滑梯、仲有色彩繽紛嘅沙池，而且仲有好多款玩具可以讓小朋友玩!!   ^ 場內有3個波波池，呢個係其中一個。   而且價錢方面，都合理!! 成為會員之後，平日入場每小時都只係$80 (1大1小)!!       ^ 圓形小彈床   另一個波波池區，主力係玩波波嘅~       第三個波波池滑梯遊戲區         仲有小迷宮陣         仲有一個放電彈床~     大積木遊樂區，由七彩嘅大積木堆砌而成嘅遊樂區。       ^ 此滑梯超滑~~超高速呀!!   其實成個遊戲室，都有玩車車嘅馬路。 鍾意車車嘅小朋友，應該會唔捨得落車~ 假日「馬路」應該都會好繁忙~ (哈)     ^ 火箭旋轉木馬 **人手轉動**   色彩繽紛嘅沙池，一齊掘沙搵恐龍啦~~ **如果小朋友較年幼，要小心留意會否誤吞小沙石呀**   ^ 攀石牆   ^ 偽冰壺     最啱幼兒玩樂嘅遊戲區         仲有同朋友夾Band一流嘅表演台! 有多款樂器玩具~             有好多玩具嘅房，有積木、積木車、圖書等任玩任睇。       一開門就嚟，玩咗一個鐘又係時候要返去接家姐放學啦~~ 下次要再嚟玩過啦~~     [ 場內設施 ] 有儲物櫃 (新張期內，免費使用一個儲物櫃)、鞋櫃   育嬰室 (只供換片使用，不適用於母乳餵哺)       ＊＊溫韾提示＊＊ - 由於入場起計收費，如果只想玩一個鐘的話，建議自己留意住時間離場。   因為佢哋收費為每小時計，如果不足一小時都會以一小時計算㗎~~ - 另外，場內不設洗手間。所以，建議小朋友先去咗廁所再入場玩! - 場地地下真係比較滑，建議預先穿著防滑襪會玩得安全又放心。 - 非會員入場會預先收$300按金，離場時將扣除消費後退回餘額。   如果冇著襪，可以於場內即場購買。   *新張優惠* 新會員優惠  A: 開通會員卡增值$300  B: 開通會員卡增值$500送$50（LS Club 再多送$50）  C: 開通會員卡增值$800送$200（送防滑襪一對，LS Club 再多送$50）  新張期間，入場可免費使用儲物櫃一個       會員收費 此收費已包括一位小童及一位成人 星期一至五: $80/每小時 星期六日及公眾假期: $110/每小時  額外成人收費:  $80/位      非會員收費 此收費已包括一位小童及一位成人 星期一至五: $100/每小時  星期六日及公眾假期: $140/每小時  額外成人收費: $80/位         【Wonder Valley】 地址: 九龍長沙灣道833號長沙灣廣場3樓312至317號舖 (荔枝角A出口） 營業時間：11：00 - 20：00 https://www.wondervalley.com.hk/ https://www.facebook.com/wondervalley.hk   ============================   記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel  https://www.youtube.com/c/Wagyubmami ============================