科技嘅進步，電子產品已經係日常生活不可或缺，芊嶠小一開始上電腦堂要用平板，小二開始學用電腦，而小朋友唔識話眼睛攰就要休息，有得玩又點會放過！不知不覺眼睛受到傷害都唔知，從此都踏上咗小朋友近視呢條不歸路！   而除咗電子產品，睇書都會有影響，例如喺唔夠燈光嘅地方下睇書，或者好近咁睇書，就有機會造成小朋友近視㗎！仲有一樣都係家長最唔容易察覺，就係小朋友執筆姿勢，都會有機會加深近視。由於小朋友嘅手掌較小，手就會「越握越下」用力握穩枝筆，手指公很容易會遮蓋了視線，造成頭「越靠越下」，就係造成近視嘅原因之一。 有一次家庭聚會，親戚見到就俾咗啲建議，話原來依家有近視控制，小朋友近視嘅情況係有機會改善到㗎！於是我都上網搵咗好多唔同近視控制嘅資料，係關於兒童矯視。   一般家長好似嶠媽都係，以為戴咗眼鏡就夠，但其實唔係㗎！戴咗眼鏡係可以解決佢即時嘅問題，但小朋友會有啲唔好嘅習慣，例如怕睇唔清楚，會貼到本書好埋嚟睇，又或者熄哂燈喺床到睇電子產品，呢啲都會令近視加深得好快㗎！   網上面就有資料，3招近視控制方法： 1）用眼鏡控制近視：利用光學嘅原理，令到眼球長度減慢咗加深嘅速度。 2）用夜間佩戴的角膜矯形鏡 (俗稱: Ortho-K鏡)：類似戴隱形眼鏡，不過就係夜晚瞓覺嗰陣戴嘅。 3）用阿托品眼藥水：有二、三十年嘅歷史，主要係用嚟放大瞳孔，做一啲眼科檢查。 仲有一樣最重要嘅，就係要帶小朋友定期做個全面眼睛檢查，除咗驗返近視嘅度數，醫生都會俾返一啲專業意見！以小朋友7歲嚟講，兩隻眼都分別二百度近視，都算係幾深，所以醫生都俾咗個建議我哋！就係試下用「阿托品眼藥水」去近視控制。 近年興起使用阿托品眼藥水減緩近視加深，其實阿托品類藥物早在中世紀已經被發現有藥用功效，但當時並非用於近視控制。後來被發現原來濃度0.01%可以減輕眼球肌肉的張力，只需每日滴一至兩滴，維持2至3年的療程就可以有效近視控制，減慢近視加深速度達一半。 近視增長最快嘅年齡為6-12歲，兒童成長後，可以改善嘅空間就不大了，所以想用阿托品眼藥水控制兒童近視加深問題，就一定要把握依段黃金時間。而嶠媽就最鍾意阿托品眼藥水嘅包裝，無防腐劑嘅即棄包裝，安全衛生可靠。 阿托品眼藥水有效放鬆睫狀肌肉，減慢眼求拉長，從而減慢近視加深速度，係一個安全及有效嘅藥理方法。香港中文大學已經有研究證實，低濃度阿托品藥水可以有效減慢小朋友近視加深嘅速度近7成。 不過醫生都有提到，有啲小朋友可能會抗拒滴眼藥水，咁就可能要俾小朋友試下，而醫生建議晚上臨睡前先滴，因為阿托品藥水會令瞳孔放大，但正常5-6小時就會過咗個藥性，小朋友瞓醒就會回復正常，有啲小朋友就會有少少唔舒服，都係因人而異。   而眼科醫生就建議最少使用3-6個月，然後再做一個全面眼睛檢查，睇下個成果。   用咗阿托品眼藥水，家長最需要留意嘅係小朋友嘅生活習慣，始終都係由改變生活習慣做起，希望呢啲配套下做到近視控制，令小朋友近視唔會再加深。    想自己小朋友可以近視控制，快啲以下link 了解更多啦~ To website: https://www.childeyecares.com/  To Facebook page: https://www.facebook.com/childeyecares/