【繼往創未來 + 懷舊交通工具 LEGO Workshop】 #免費 #親子好去處   男孩子最愛！一次過玩晒海、陸、空交通/運輸工具相關嘅超特大棋盤，仲參加埋 LEGO 工作坊，砌咗架 #天星小輪，開心到飛起！！   上星期六，同兩兄弟去 #展城館， 今期主題 #繼往創未來展覽，有期待已久嘅「LEGO ®工作坊」！！ 以 #香港懷舊交通工具 為主題，由「樂高專業認證大師」洪子健 (Andy Hung) ＆佢嘅團隊設計＆指導，LEGO 導師一邊介紹懷舊交通工具嘅演變，一邊講解點樣砌出小輪。澄兄一手一腳完成一架天星小輪，勁有滿足感，仲話走果時要坐小輪返屋企。雖然冇得拎走作品，但之後有機會喺展城館見到架LEGO天星小輪架！我地幫迷你天星小輪影咗好多相留念～   砌完 LEGO 仲有電，出去戶外展區 -「大未來歷棋」，係一個色彩繽紛大棋盤！以海、陸、空基建為主，配合網上遊戲， 一邊擲骰仔，一邊了解有趣基建小知識。原來屋企附近嘅龍山隧道，係最長嘅陸上行車隧道！ 兩兄弟仲坐上貨櫃大船、 騎上飛機、穿過高鐵隧道＆坐大卡車，全部都係日常運輸嘅好幫手。打完卡，梗係玩埋 AR 互動遊戲，睇下澄兄瞬間飛去北京鳥巢旅行，好得意！記得攞埋小禮物～   喺展城館玩得非常盡興，雖然 LEGO 工作坊已經完結，但約定下次再去參觀 。   「繼往創未來」規劃與基建展覽    ----- 即日至2022年11月30日(免費入場，無需登記) ----- 香港中環愛丁堡廣場3號 （近大會堂低座）   **室內展區：展城館 - 星期一至四：上午10時至下午6時；逢星期二休館（公眾假期除外）**戶外展區：愛丁堡廣場 - 全天候開放   #澄兄湜弟去邊玩 #親子放電 #基建發展 #海陸空 #港珠澳大橋 #貨櫃碼頭 # AR 互動遊戲 #棋盤 #legohk #lego #天星小輪 #starferry #共 學共玩 #親子活動 #親子好去處