嶠媽我都剪咗短髮幾年，其實我真係好鍾意短髮，所以每次都會好捨得咁一長就剪！但日子耐咗，加上嚟緊有飲宴，所以就想搞搞新意思，嚟個大轉變。 而今次嶠媽就去咗元朗髮型屋，iForward Salon，搵髮型師 Ron 整頭！我之前已經搵過 Ron 整頭，我再搵 Ron 整頭嘅原因，因為佢哋髮型屋嘅用料好，同埋每次 Ron 都會根據我嘅髮質，去建議我點整，對於我呢啲心大心細嘅人，最好就唔洗我決定點整！ 而今次元朗髮型屋 iForward Salon 就位於元朗市中心，染髮電髮超方便！元朗嘅朋友想喺元朗染髮嘅就要睇下我嘅介紹啦！ iForward Salon 喺元朗教育路，元朗千色行前少少，喺元朗嘉城廣場隔離，見到好靚嘅雲石招牌就係入口啦！ 上到1樓就會見到一樣係靚靚嘅雲石招牌，入去就啱啦！ 一入到去喺心入面嘩咗一聲，因為我超鍾意呢種日系裝修。 而呢到其中最吸引嶠媽嘅係，Salon 有 3000 呎大，剪髮區都分咗3個區。 去到第一時間梗係要自拍一下啦！見到我個頭頂都已經生哂黑色頭髮出嚟，好睇唔過眼呀！ 開頭我諗住漂下 highlight，因為之前整過一次好鍾意！但 Ron 就問我，會唔會想試下漂頭，整今年都好興嘅「耳圈染」，OMG！其實我想整好耐，但又怕漂頭傷頭髮，所以一直唔敢踏出呢一步。 就係咁我今次就嚟個元朗漂頭之旅，其實敢試下漂頭嘅原因係 Ron 話可以做到漂頭同時護髮，我講嘅就係呢套 treatment 啦！以前啲人漂完頭怕甩色都唔敢去做 treatment，但而家竟然出到染頭漂頭同時護髮，漂頭咋嘛！又有咩好怕喎！ 因為第一次漂頭，所以一定要影一張全頭金嘅相。漂頭嘅其中一個要面對嘅就係，漂完出嚟會成個頭金色，嗰種金仲要係唔自然，雖然有心理準備，不過都嚇咗一嚇！Ron 仲話有啲人漂頭要漂幾次，因為漂完一層出嚟會睇到一啲五顏綠色 (其實就係以前染過嘅顏色)，要漂出嚟靚嘅大前題係要漂返靚個底先，所以就會出現有啲人漂一次就得，有啲人要漂幾次。 而 Ron 都有話我聽，漂頭原來有唔同度數，度數愈低傷害愈少，但時間相對會長，你又會點選擇呢？而今次係做 Tokio treatment，個 treatment 仲有埋 Home Care 返屋企用，好貼心㗎！ 而 iForward Salon 用嘅產品都係歐美、日韓嘅一線品牌，而今次我漂頭用嘅 colour 就係 shiseido 啦！ 仲有樣嘢係嶠媽覺得好 surprise 嘅，就係店內嘅髮型師都好年青，原來 Salon 主打年青市場，所以俾人嘅感覺都係好有活力。 講咗咁多介紹，梗係要返嚟講下個頭啦！坐咗差唔多5個鐘，終於完成咗啦！底層漂咗粉紅色，面層就係灰紫色，望落好似好深色咁，但漂頭就係預咗之後會甩色，會甩淺色啲，到時又會唔同咗色。 呢個就係我所講「耳圈染」嘅效果，只要將頭髮圈去耳仔後面，就會睇到底層嘅顏色，真係超級靚超級鍾意呀！ 而 iForward Salon 嘅洗頭房裝修都好簡潔，最鍾意佢好柔和嘅牆色，仲有個月亮燈，真係好想好舒服咁瞓一陣。 除咗剪髮、染髮、漂頭，元朗 iForward Salon 仲有一間頭皮治療室，專係治療頭皮問題，例如孕婦脫髮，女士弟界位置稀疏，鬼剃頭，壓力脫髮，雄禿性脫髮等等⋯下次我都一定要去做個頭皮分析先。 最後梗係要講埋個地址，當然仲有我髮型師 Ron 嘅資料啦！記住要去元朗染髮，元朗漂頭，想搵 Ron 嘅一定要預約，嚟緊聖誕跟住又新年，想整頭要盡早預約。   地址：元朗教育路21-23號英暢大廈1樓3000尺 全層 電話：Iforward 24702728 Ron Lam http://wa.me/85253137299