今個聖誕、新年唔出國旅行嘅話，留港都可以好有度假風。   最近我哋去咗屯門黃金海岸，超級放電嘅戶外充氣城堡嘉年華「Jumptopia Holiday Village 度假樂園」玩，仲入住埋佢哋嘅Kiztopia主題原創角色主題房~~   真係玩到樂而忘返呀~     佢係新加坡遊樂場 Kiztopia 旗下品牌 Jumptopia 。  仲係香港首個以 Kiztopia 8 大原創卡通角色為主題~ 真係超好玩，超級放電!!     佔地有12,000呎嘅遊樂場，入面有5座巨型嘅充氣城堡️ 當中包括高達 4.5 米高嘅巨型充氣滑梯，及以海王星為主題、放滿逾萬個波波嘅波波池，超正呀!!   《下篇詳細分享「Jumptopia Holiday Village 度假樂園」》   今次係我哋第二次入住香港黃金海岸酒店，對上一次係暑假嘅時間。   ^ 酒店入面已經超有聖誕氣氛啦~   我哋今次同樣都係選擇露台主題房，今次仲係望住個海，行出露台真心讚!!       望住個海，風景超好，真係超鍾意呀!!       ^ 海景主題房日景   ^ 海景主題房夜景   房間入面仲有Kiztopia原創角色嘅床舖、咕臣，可以攬住嚟瞓~     入住主題房，仲有小禮物送~~       當晚晚餐，我哋去咗沙嗲軒食飯，嘆下新加坡嘅美食。 小朋友都有新加坡風味嘅兒童餐選擇~   ^ 迷你福建炒麵   妹妹食得超滋味，仲全部都食晒呀~     和牛B同我一樣都好鍾意食海南雞，所以佢咗迷你海南雞飯~~       另外，我同老公就點咗套餐，都好多嘢食~   ^ 肉骨茶，味道好香濃   ^ 黃金脆炸魚皮、沙嗲豬肉及雞肉串   ^ 胡椒蝦 - 超惹味!! 蝦殼都脆卜卜呀~   主菜有三款，我哋就揀咗海南雞飯。   ^ 主菜 - 海南雞飯 - 淡淡肉嘅雞~   ^ 香辣通菜 - 真係好香、好辣、好惹味!!   ^ 甜品 - 燕窩椰香黑糯米，甜度適中~   [ 詳細餐牌 ]      第二朝，仲有自助早餐。 食飽又可以繼續去玩啦~~             ============================================== 黃金海岸酒店「Kiztopia歡欣躍動住宿計劃」住宿計劃 入住日期： 2022年12月3日至2023年1月31日  計劃內容： 每晚由港幣$1,430起* （連加一服務費後HK$1,573起），優惠包括：  ．豪華海景客房住宿一晚  ．2位成人及1位小童早餐 ．免費暢玩黃金海岸酒店廣場Jumptopia一節（2位成人及1位小童，每節為一小時） ．Kiztopia 精美禮品一份 ．房內迷你酒吧  ．穿梭巴士服務往返酒店及尖沙咀 (名額有限，先到先得)    每晚另加港幣$400即可升級入住Kiztopia海景露台主題客房  **額外小童收費: 每位HK$300 （包括住宿、早餐及Jumptopia入場券）   購票傳送門: https://www.klook.com/zh-HK/activity/79605-hong-kong-jumptopia/ Jumptopia主題客房預訂傳送門: https://www.klook.com/zh-HK/activity/43754-gold-coast-hotel-tuen-mun/   酒店除咗期間限定嘅戶外充氣嘉年華之外，仲有付費活動可以自由參加。 我哋入住期間，就去咗玩小火車、兒童遊戲室。     開放時間:  每天上午10時至中午12時 及 下午3時至5時 *須提前預約 (資料來源自酒店官方網站)       另外，我哋今年亦付費去咗酒店入面嘅兒童遊戲室「鯊魚冒險島」玩。 空間唔算係超大，有大型滑梯，小迷宮、彈床。   ^ 海盜船連接鯊魚滑梯迷宮陣部份，只適合5歲以上兒童進入。     另設有幼兒遊戲室，有廚房玩具等。       亦提供幼兒玩具、圖書等。       開放時間: 星期一至五：上午10時至晚上7時 星期六、日及公眾假期：上午9時至晚上9時   客人可於入住酒店後網上或前往「鯊魚冒險島」接待處提前預約（需視乎名額而定） **遊戲室只適用於1至11歲小童   收費  一位小童及一位成人*  酒店住客: HK$75 / 45分鐘  非酒店住客: HK$150 / 45分鐘  額外每位小童 / 成人  酒店住客: HK$75 / 45分鐘  非酒店住客: HK$150 / 45分鐘   (資料來源自酒店官方網站)     酒店範圍，亦有唔少打卡位。     亦有戶外嘅兒童遊戲場~             《下篇詳細分享「Jumptopia Holiday Village 度假樂園」》 ============================   記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel  https://www.youtube.com/c/Wagyubmami ============================