內地都通關啦～ 小朋友去國內要唔要「回港證」？ 點申請「回鄉證」？ . 跟據劉媽過往幫嵐姐、晉哥換證 + 細細佬申請新證件嘅小小經驗就同大家分享一下啦Y(^_^)Y . 作為出身於香港嘅小朋友 去國內只要「特區護照+身份證」+「回鄉證」 . 點解要申請「回港證」呢？ 因為「特區護照+身份證」申請一般需要2星期辦理 (依家辦理時間可能會更耐(￣∇￣)） 所以如果趕唔切就要申請「回港證」啦～ 預約親身遞交「回港證」嘅申請一般可於即日發證件！ . 點申請「特區護照+身份證」呢？ https://mamibuy.com.hk/talk/article/127409 . 點申請「回港證」呢？ https://mamibuy.com.hk/talk/article/136174 . 點申請「回鄉證」呢？ 《申請手續》 1. 網上填表及預約  https://www.ctshk.com/pass/bookterms.jsp （預約在60個工作天內於選擇的辦事處遞交申請）  *劉媽9/2 11:50pm開始入資料，成功預約到9/3場次辦證，之後12點再入就開始full booking /.\   2. 父或母需與小朋友在預約時間一同到場辦理證件 3. 準備文件 - 父或母身份證 - 「兒童身份證+特區護照」或 「回港證」 - 兒童出世紙 - 現有兒童回鄉證(如換證要出示) 4. 準備1張合乎回鄉證規格嘅證件相及提交該相片的合格檢測回執  *多數中旅社辦證附近會有好多影相舖，响呢啲影相舖影多數幫你搞掂哂 5. 申請時須現場交驗上述申請材料原件(證件有效期需在半年以上)。同時提交以A4紙雙面複印的所有申請材料1套。 *現場有複印服務 $3/張 6. 一般辦證時限預定為12個工作日， 加急件預定為5個工作日。 7. 繳費可用易辦事、八達通、現金 *16歲以下有效期係五年；首次申請或換領費用係$260，加急件另加收$280.- . 《領取證件》 1. 按照辦理證件後，中旅社發出《領取證件回執》上的領取日期到取證件 *小朋友無須到場 2. 申請時可選擇由香港郵政提供的本地郵政速遞服務領取證件的，須另加收港幣50元 . 以上資料一切以政府網頁為準^-^ . 9/3/2023 申請做證後記 · 預約做證有早無遲 劉家三個原本約15:10、13:40、14:20pm 但三個可以同13:40一齊入去拎籌報到 三人前後用左45分鐘就辦好證件 · 就去26樓同層嘅影相舖影 $80/6張(我哋影完等咗30分鐘先拎到相)；就入裡面自助即影$50/6張 · 如漏文件 可照拎籌後即快奔回家取文件 ·如已拎籌到號 但文件/相未齊 可以去嗌你嗰counter同佢講聲 佢會叫你齊文件之後再去佢嗰度做證 · 預約咗嘅大人可以用自助辦理機自己跟指示做換證；18歲以下就要去櫃位做