#glamping #staycation #親子好去處 #挪亞方舟 之前放新年假，我哋去咗挪亞方舟嗰度玩，仲入住酒店全新推出嘅「綠意農莊星級 GLAMPING 主題客房」 GLAMPING 主題客房好正，房間入邊有小型帳幕，兩張雙人床上面放咗好多蔬菜造型嘅公仔，小朋友用嚟玩pillow fight 好搞笑 客房出邊有個好大嘅露台，有野餐枱、有草地同埋有帳篷，如果天氣好，喺出邊食吓嘢傾吓偈真係好寫意，小朋友又有足夠空間走來走去！ 呢個套票有包括幾個活動：啤啤熊之友製作室、有機農莊導賞團、特飲爉燭工作坊。 check in 之後就去咗整啤啤熊，自己入棉花，自己縫埋隻熊仔，仲揀埋衫比啤啤熊着，好可愛！   第二日朝早食完早餐就去咗行有機農莊，聽導賞員嘅介紹，學咗唔少關於蔬菜嘅知識。   蠟燭工作坊好易玩，Natalie Nathan 完全可以自己搞掂，整出嚟嘅蠟燭好靚㗎 晚餐同早餐都係住宿套票包埋，喺酒店餐廳嗰度食，望住180 度青馬大橋、汀九橋海景，食咩都零舍好味啦！當日套票包咗嘅晚餐非常豐富，好多凍海鮮同埋魚生，又有埋甜品，食到勁飽勁滿足 自助早餐就簡單啲，不過都有齊早餐必食嘅腸仔蛋薯餅牛奶，大人細路都食到好飽！ 食飽飽、行完農莊、整完蠟燭之後，我哋去咗挪亞方舟嘅遊樂場放電，擒高擒低玩咗好耐，又去咗睇動物，再玩埋高卡車及ePlanet光影互動展館 酒店住客可用超優惠價購買挪亞方舟兩日通門票 ($125/每位)，真係好抵！ 嚟緊有冇啲小朋友gathering啊？之後約埋佢哋一齊去挪亞方舟啦！ 住宿套票的預訂方法: https://www.noahsarkhotel.com.hk/....../promotion_imgs...... 餐單可能隨入住日子會改變㗎，大家入住時睇返最新嘅update啦 香港挪亞方舟 Noah's Ark Hong Kong