今個復活節有新任務呀！ Aidan & Anson齊齊去左香港挪亞方舟「智潮復活島」，潮玩室內無人機大挑戰，仲可以親製特色專屬作品，棉花糖上有小朋友個樣架！小朋友可以活用創科智慧，挑戰一連串融合S.T.E.A.M元素既嶄新任務！ 活動特設於2023年4月1日至10日 (星期六、日及公眾假期) 舉行，仲設有買2送1門票優惠！（文末有詳情）   「智潮復活島」活動包括 : * 激智無人機挑戰賽 好特別既體驗，可以考驗爸爸同哥哥既眼界，係室內駕駛「飛」一般刺激既無人機，Aidan初頭好緊張，練習多幾次後，終於完成飛行賽道，佢覺得刺激又好玩呢！ 仲可體驗無人機足球運動，將「足球」飛進對方的龍門就可以贏取分數喇！ 除了操作實體無人機，哥哥仲可以以第一身視角，玩盡虛擬無人機旅程，佢覺得係虛擬既場景中飛馳，好似真係置身其中一樣呢！ **活動於2023年4月7至10日舉行，由香港無人機運動總會 (HKDSA) 協辦，夠晒專業！   * 記憶棉花糖 兩兄弟最愛呢個活動，因為可以食又可以創作獨一無二既棉花糖。佢哋現場睇住部食用印刷機，將得意可愛既相片，呈現在棉花糖上，好興奮！哥哥仲話要將印有自己個樣既棉花糖送俾我呢，so sweet! 弟弟就急不及待要食哂。 *參加者須自備精美相片   * 激 FUN 皮藝坊 運用極速激光技術，再結合傳統手藝元素，兩兄弟都能親手打造出獨一無二既皮製飾物，Aidan仲添加左英文名和漂亮既圖案，弟弟都有幫媽媽手搵喜歡既圖案，齊齊發揮創意，滿滿成就感。   * 3D模型打印創意工房 小朋友可以親身體會如何運用回收既塑膠，瞬間轉化成3D打印物料既奇妙過程。兩兄弟揀選了自己喜歡既顏色和動物款式後，就可以即場製作迷你有趣既3D可動模型，可以清楚見到公仔既誕生，兩個望住部機器眼都唔眨呢！哥哥同弟弟各自整左小烏龜和兔仔，製成品識得郁真係好得意呀！   * 「掃」碼彩蛋尋寶樂 兩兄弟拎住手機，再係馬灣小島內不同既地方掃描彩蛋上既QR Code，之後再同爸爸媽咪一齊去搵答案，答啱問題，就有機會贏取精美禮品喇，好好玩又可以順便遊覽方舟，你哋都一齊黎發掘多個數碼復活彩蛋既藏寶地啦！ （二人同行入場，可獲贈尋寶樂遊戲卡 1 張）   食飽飽就要去「挪亞方舟度假酒店」住番晚啦， 「飛行奇遇記」主題房好似搭緊飛機一樣，令人有個飛一般的度假旅程。 仲可以去挪亞方舟度假酒店豐盛閣餐廳享受環球美食，包括琳瑯滿目的「復活節海鮮自助餐」、綠茶控必選「宇治醇逸海景下午茶」、以及創意fusion料理的「茶寐饗宴 環球海鮮自助晚餐」，咁多選擇，樣樣都想試吓，憑當日主題公園門票更可享 85 折優惠呀！ 大家都一齊黎「智潮復活島」，享受一個耳目一新既智Fun旅程，有得玩有得學，來個精彩復活節啦！ ~~~~~~~~~~~~~~~~~~~~   香港挪亞方舟「智潮復活島」 - 活動日期 :2023年4月1日至10日 (逢星期六、日及公眾假期) - 時間: 上午 10 時至下午 6 時 - 地點: 香港新界馬灣珀欣路33號 - 網站: https://www.noahsark.com.hk/tra/2023easterevent.jsp - 入場費收費 : 成人HK$198 小童及長者 (特惠門票)HK$158 *活動期間設有買2送1門票優惠。(其中兩位入場人士須購買成人正價門票，即可獲贈乙張成人或特惠門票。)   遊戲代幣使用 : 每購買兩張門票將獲贈 10 個遊戲代幣 (總價值港幣 100 元) 及 1 張尋寶卡，並可使用指定數量之遊戲代幣去參加指定活動。 若入場人士所持之遊戲代幣不足以參加個別活動，可向活動場地之職員購買額外的遊戲代幣以補差額，遊戲代幣售價為港幣 20 元兩個。 ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com