【 超開揚又多野玩的兒童室內遊戲室 】 今日又帶兩兄弟去Playhouse玩喇！ 位於紅磡既「Runningkids Playhouse」地點超方便，紅磡站行2分鐘就到，全程都係有蓋地方，絶對係雨天玩樂首選！   Playhouse好開揚，完全無間隔阻礙視線，一眼就可以見到小朋友係邊個區玩緊，就算一打二都唔需要擔心。同成班媽媽帶小朋友黎玩，可以輕鬆傾計，一眼睇曬成個場，大人小朋友都開心。 Playhouse既玩樂設施著重安全性，唔會有太多刺激既遊戲，令幼童都可以安全地玩樂。 玩樂設備好多元化，有放電一流既彈彈床，多條滑梯和彩色波波池。弟弟最愛既巨型木粒沙池都有，木粒沙池仲有多款玩具俾小朋友玩，弟弟係呢區玩得最耐呢！   場內廚房區和小賣部，可以俾小朋友玩煮飯仔，全部食物同用具都超仿真呀，小朋友玩得好投入。   仲有個扮靚區，可以換裝變身，模仿醫生又得，消防員和工程師都得，媽媽們可以幫小朋友影靚相喇！   男孩子最愛就係8字形賽車場，可以揸到唔同類型既玩具車，打卡仲好有型添！仲有智力遊戲 : 益智牆上玩具、磁石牆、磁力片玩具和Lego等，好多野玩呀！   ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com