#福岡 #親子旅行 睇返福岡啲相，好想同大家分享 KKday 呢個行程豐富嘅一日遊，一日去晒睇火山、行熊本城同埋摘士多啤梨，一次過滿足晒大人細路嘅要求。 導遊話俾我哋知，睇火山需要一點運氣，有時天氣唔好或者火山嘅狀態唔穩定都上唔到去！不過如果幸運地睇到嘅話，景色係非常非常壯觀嘅！ 火山附近有阿蘇火山博物館，可以了解吓火山嘅資訊同埋買手信 之後就到重點：摘士多啤梨 呢度啲士多啤梨冇添加農藥，即刻摘即刻食，好新鮮好甜。呢個士多啤梨園主要有三個品種，有啲香啲，有啲甜啲！細佬勁鍾意食士多啤梨，今次士多啤梨放題佢真係勁開心、超級滿足 士多啤梨園入面仲有啲道具俾大家影相~ 然後就去熊本城參觀、買手信。熊本城2016年受地震破壞，修復咗好多年依家終於有得入去參觀 之後再買下野食少少嘢就上返旅遊巴返福岡。 我哋今次唔係自駕遊，如果唔係參加一日團，都冇可能一日去到咁多地方，仲要舒舒服服，中間瞓吓晏覺叉叉電～ 嚟緊暑假會唔會去福岡旅行呀？考慮吓報名一日遊啦，集合地點方便，行程輕輕鬆鬆而且活動豐富 https://www.kkday.com/zh-tw/product/38965?cid=10477 其他福岡行程參考： https://m.kkday.com/zh-tw/city/fukuoka?cid=10477 其他熊本行程參考： https://m.kkday.com/zh-tw/city/kumamoto?cid=10477