#福岡旅行 #親子遊 #水族館 #親子好去處 復活節假黎到尾聲，係時候回顧下我哋做過嘅開心嘢! 隔咗幾年，終於有得出國旅行，我哋去咗 #福岡，當然去咗啲小朋友最鍾意嘅地方！今次先介紹吓水族館! 問返兩位小朋友嘅意見，佢哋話最正係海豚海獅Show!!! 成個表演大約有30分鐘，海豚海獅會表演拍波、跳躍等等嘅動作，幾條海豚一齊跳躍真係好精彩；如果想刺激啲，可以選擇坐喺水池邊，佢哋會用條尾發啲水上黎，整到岸邊啲觀眾濕晒~ 睇完表演就行吓水族館，大水槽有大大小小嘅鯊魚、魔鬼魚、魚仔；唔同區域嘅水槽亦有其他海洋生物，大海龜、小丑魚、水母、鰻魚、珊瑚等等，絕對令到大人細路都目不暇給。 有一個地方有個小水池，有海星同埋海參可以拎上手，真係好唔錯嘅體驗。 水族館最低層有餐廳，可以坐喺大水槽旁邊食嘢，不過我哋冇預先訂位就食唔到啦... 訂位連結：https://liff.line.me/1655794030-jGaL8511 - 交通 如果唔自駕遊，搭公共交通工具去水族館都方便，可以搭JR線或巴士去海之中道。我哋喺JR博多站乘搭普通列車，去到香椎站轉車去海之中道站。JR車站嘅位置啱啱好喺海之中道海濱公園同海洋世界水族館嘅中間，出咗車站之後轉左喺公園，轉右行大約5分鐘就係水族館。 - KKday 訂票連結 https://www.kkday.com/zh-tw/product/27448?cid=10477 如果天氣好又時間許可，去完水族館就去買旁邊嘅水之中道公園，超級無敵放電㗎！       #親子活動 #親子日常 #親子 #親子blogger #去旅行 #福岡親子遊