今次介紹嘅唔係新公園，係上年10月已重開嘅免費戶外兒童遊樂場。 我哋終於抽到時間過嚟行街同玩啦~~   公園以彩虹為主題，整個兒童遊樂場都七彩繽紛，而且都會見到彩虹蹤影~ 呢個公園係位於荃灣廣場嘅PLAY GARDEN空中樂園，佔地逾3萬呎!!      真心超級放電呀!! 一到步兩姊妹表示超興疲，而當日我哋係早上11時，不過太陽已經超級猛烈呀!! 記得搽防曬及飲多啲水呀!!     最吸睛嘅絕對係「彩虹晴空塔」，呢組遊樂設施有3條滑梯，適合唔同年紀嘅小朋友。 其中兩條七色管狀旋轉彩虹秒速滑梯分別為4.8米高及3.3米高。      兩姊妹就挑戰了4.8米高七色管狀旋轉彩虹秒速滑梯，玩後感「唔快，而且好熱有少少辣pat pat」。     另外，兩姊妹仲好鍾意玩「雲兒城堡」，入面設有訓練平衡嘅平衡橋、刺激感官的小圖案推軌玩樂板、及訓練大小肌肉嘅三條小滑梯。             「雲兒城堡」嘅設計好特別好可愛呢~     仲有鞦韆區，有圓欖型及傳統輕巧式鞦韆二合為一。       另外，仲有BB鞦韆區，真係超級得意~       仲有充滿藍色層次感嘅小山丘，設有繩索、綱管小隧道、彈床、攀爬彩球、滑梯，斜坡等。         「PLAY GARDEN空中樂園」 地點：新界荃灣荃灣廣場5樓  開放時間：10:30am. - 10pm. 遊樂區開放時間：10:30am. - 8:00pm.   (下午2時30分至3時 00分為清潔消毒時段)        ============================   記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel  https://www.youtube.com/c/Wagyubmami ============================