幸運地我哋去到一票難求嘅消防處潛水基地導賞日，聽講有12萬人報名，當中只有400名人士可以參與！呢個潛水基地亦係首次對外開放俾大家參觀，一般人係不可以自行前往，屬於香港海事處管理之限制區域，所以我地同貝貝都滿心期待有咩表演同示範呢！當日參加者必須於尖沙咀消防局集合，等待旅遊巴接送，車程只需10分鐘。 1: 水上及水下搜救操練示範 我哋去到先欣賞咗幾個精彩嘅表演，雖然天氣好熱，但貝貝睇得非常專心，亦提醒咗我地最好備有基本嘅游泳技巧！ 2: 了解潛水救援訓練工作 消防員叔叔播放佢地日常工作嘅相關影片，大大感覺到要訓練成為一名潛水救援真係好唔容易！印象最深刻莫過於佢地要面對喺一個非常漆黑混濁嘅海底，除咗揹住咁多咁重嘅工具，仲要摸黑喺海底進行一些爆破同切割嘅活動！ 3: 參觀水底切割訓練場地，深潛模擬器及加壓艙 連貝媽欣賞完都覺得眼界大開，個感覺有少少似幻想中嘅太空船！ 4: 參觀消防潛水拯救車 5: 潛水救援工具展覽 呢日真係一個非常難得嘅體驗，而且每個消防員叔叔細心又體貼，經常提住我地補充水份，又怕我地太熱太曬，俾地方我哋休憩，又會關心小朋友們要唔要去洗手間。貝貝當晚仲不斷同我重溫當中嘅內容，睇黎佢對呢個活動都留下非常深刻嘅印象！ 地點：昂船洲昂船路政府船塢消防處潛水基地 ——— FB：https://fb.me/bowlpui IG：https://www.instagram.com/bowl_lam/ Blog：https://www.mamibuy.com.hk/home/18060 #貝貝Alice #90後媽媽 #香港媽媽 #新手媽媽 #全職媽媽 #親子blogger #hkblogger #mamablogger #parentblogger #hkiger #hkinfluncer #育兒日記 #育兒生活 #hkkidsmodel #親子好去處 #潛水基地 #消防局開放日 #消防處開放日 #消防處 #消防潛水救援 #消防員