我地6大1小，第一個落腳點係位於平溪附近嘅浪漫玻璃屋民宿！機場包車到民宿只需一小時多啲！ 推薦 難得享受一下郊區嘅寧靜，俾小朋友接觸大自然 民宿嘅玻璃屋同埋花園設計都好靚，老人家打卡打得好開心，無論任何一個角落都好靚 我地7人租晒全層地下，入去有一個大廳，有齊三間房，每房入面都有廁所，仲有獨立浴缸！！！ 包早餐，而且非常好吃 附近有平溪大街，有小食店又可以放天燈，燒仙女棒。 附近有兩間好食，特別又地道嘅餐廳，可堂食或外賣 有個大草地，小朋友可以盡情跑跑跳跳 有小沙池，另外可以打羽毛球，踢波 有個室內小區域有老闆自己用木砌嘅玩樂滑梯區，仲有千秋，旁邊可以玩些桌上遊戲。 老闆仲養咗隻大龜龜，日頭可以睇佢出嚟散步 價錢非常OK 缺點： 巨多昆蟲但so far無俾野咬過 出入大街要老闆接送，但接送次數有限 其實包頂層仲好，佢有間房係玻璃頂，夜晚不出戶外都可以睇天空同星星，可惜我遲咗book唔到。 黎到呢度，最開心係收獲咗好多貝貝嘅笑容，草地係佢平時唔常去嘅地方，佢自己諗好多遊戲同我地玩，就算無無聊聊，跑跑跳跳都夠開心，攰就坐低抖抖，最開心又有千秋玩。 晚飯後經過便利店可以買啲飲品同小食，一家人坐喺廳飲住酒傾吓偈，小朋友就去浸bubble bath ，過返個輕鬆慢活嘅2日1夜，呢個體驗真係唔錯！ 經民宿老闆介紹，喺平溪食咗兩餐，見google都幾高評價，樣貌平平，但菜式夠晒地道！ 1: 平溪小希臘 呢間整體不過不失，成間鋪熱食得兩款，海鮮米粉，麻油雞麵線。對前者最大嘅印象就係條魷魚大到食極都唔完，湯頭清甜得黎亦有淡淡嘅辛口，貝貝食咗少少就停手。入面嘅海鮮真係好新鮮，粒丸都好食。我無食到麻油雞麵線，所以評價唔到。 2: 怡如小吃店 店舖非常簡陋，直頭係村屋入面開間房俾你黎食飯咁，當晚仲只有我哋一台客人，未食之前仲好擔心大伏，點知每碟菜都有驚喜，炒珠蔥、空心菜、墨魚咀、炸溪哥、椒鹽田雞，就連個炒飯都好出色，每碟小菜都有好強嘅記憶點，相當回味！ 平溪車站唔算係熱門嘅旅遊景點，但因為佢靠近我地住嘅民宿，所以我哋食飯時都會經過。 貝貝去台北嘅最大願望就係希望可以好似Rapunzel咁，喺漆黑嘅夜晚點著天燈！本來我地打定輸數，因為知道天燈店大概都會在6點前關門。點知晚飯9點過後，唔小心行咗入平溪老街，又咁啱遇著其中兩間店仲未關門，我哋當然把握機會放返個夜天燈！ 不過⋯⋯幻想同現實果然有一段距離，我本來諗住夜晚會影相會好靚，不過礙於同行嘅攝影技術都好一般，而且放天燈果個位又黑又窄，啲相都炒晒車，唯有把回憶記在心中。 ——— FB：https://fb.me/bowlpui IG：https://www.instagram.com/bowl_lam/ Blog：https://www.mamibuy.com.hk/home/18060   #貝貝Alice #90後媽媽 #香港媽媽 #新手媽媽 #全職媽媽 #親子blogger #hkblogger #mamablogger #parentblogger #hkinfluncer #台北 #台北親子好去處 #台北親子旅遊 #假日好去處 #台北之旅 #親子旅遊 #親子好去處 #台北美食 #台北民宿 #airbnb台北 #平溪車站 #平溪民宿 #幸福山行 #台北郊區 #台北親子酒店 #台北親子 #平溪餐廳 #怡如小吃店 #平溪小希臘 #放天燈