【 近距離親親小動物。神戶動物王國 】 安妮媽媽超推薦「神戶動物王國」！親子遊一定要安排時間去一次呀！小朋友會有不一樣既體驗，因為真係有好多小動物，大部分都可以觸摸和餵食，我哋前幾年帶哥哥黎過一次就愛上，係大阪旅遊其中一個念念不忘既地方！ 「神戶動物王國」係一座大型既室內動物園，入面既小動物大部分都係園內自由走動，小朋友可以溫柔地觸摸佢哋，兩兄弟今次摸到水豚君、羊駝、兔子、天竺鼠、狗狗、貓咪和陸龜等，多到數唔晒！陸龜仲會跟住我哋行，好可愛！ 雀鳥天堂入面會有唔同種類既雀係你頭頂飛過，又會突然係你腳邊行過，好特別！我哋仲見識到樹懶既慢生活，真係好可愛，弟弟仲問點解佢d動作會咁慢 室外有個超大池塘區，有唔同種類水鳥，可以用水鳥飼料餵佢哋食嘢，一拎飼料出嚟，佢哋就會游過嚟，好得意！仲見到超可愛鎮園之寶既鯨頭鸛，超級呆萌。 室外農場同樣可以近距離見到袋鼠、羊駝、馬仔、山羊、綿羊和駱駝等。仲可以騎馬仔，兩兄弟都好鍾意呀！   室內溫室花園又靚又舒服，可以坐係花園內享受美食和休息，園區內有幾間餐廳，食物價錢都唔貴，全部都好好味！ ​「神戶動物王國」真係好值得黎一次，地方又大又乾淨，到處都有洗手設施，大人小朋友都會玩得好開心，有好好既體驗！ ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com