最近Natalie同Nathan都參加咗 VDO English 朗誦比賽。由於疫情關係，近年大型嘅實體比賽少之又少，今次佢哋參加呢個比賽，實在係好好嘅體驗。 https://s.chinadailyhk.com/JB3iIj... #VDOEnglish 初賽係拍片模式，之後嘅準決賽同埋決賽就係實體比賽。細佬決賽當日，50幾個小朋友大部份都做得非常非常好，表現充滿自信、朗讀聲線響亮、咬字清晰而且表情豐富。個幾鐘嘅比賽時間，細佬都好投入咁欣賞每一個參賽者嘅演繹。每一個小朋友、每一位指導佢哋嘅老師同埋帶出帶入嘅家長都值得有好多好多掌聲嘅鼓勵，對於一個四、五歲嘅小朋友來講，要有勇氣喺百幾人面前表現實在唔容易；老師嘅教導同埋家長嘅支持都係無比嘅重要 雖然細佬最後贏唔到，但佢都獲益良多。比賽之後我哋有討論，佢都話其他小朋友真係做得好好，自己只係做得少少好，希望下次自己可以更加放膽講，盡量將Ms Suzanna平時教嘅嘢喺台上表現出來。 家姐嘅表現亦都好好，準決賽當日除咗要讀出自己準備嘅篇章，亦都要面對Q&A嘅環節，都好考佢嘅應變！喺幾十個準決賽參賽者當中Natalie成功晉身決賽，我哋都好戥佢高興！！！ 我成日都同佢哋講，比賽輸贏唔重要，每一次比賽都係一個學習嘅經歷：將Blooming Talents 老師教導嘅技巧自己消化、練習，然後自信滿滿地演繹出嚟。只要發揮到平時上課嘅水準，其實就已經好好 希望佢哋會一直努力，保持對自己嘅信心，一直進步 嚟緊細佬要面對更大嘅挑戰 - 考小學，希望佢都會順順利利啦。 如果你哋嘅小朋友都要為考小一作最後衝刺，就睇吓有冇課程啱你啦： https://www.facebook.com/100064113452180/posts/635829005230876/?mibextid=cr9u03     #加油 #BloomingTalents #bloomingtalentseducation #PublicSpeaking #VDOEnglish