西門町～～真係太耐無黎嗱！ 估唔到貝貝呢個旅程最開心係食到冰糖士多啤梨，原來佢成日睇我小紅書睇到人哋食已經好想試，第一晚興奮到食咗兩串，佢仲識自己認路，拖住我搵返個檔口，記得晒附近有啲咩。點知食到第3日真係食到嘔，再問佢死都唔肯食。 因為我哋住喺西門町，所以都可以介紹幾間唔錯嘅餐廳，大家未去台北嘅話都可以收藏咗個Post先丫！ 程味珍-台灣台北市萬華區西寧南路65號 出發前睇過好多網上介紹，話佢自從裝修咗之後，水準下降咗好多，不過我哋又覺得幾好食喎，環境又乾淨衛生。我哋偏向重口味，覺得滷肉飯醬汁好夠味，飯粒偏黏笠所以好掛醬汁，滷味款式多夠入味，其他配菜例如皮蛋豆腐，芽菜都係出色！ 永和豆漿-台灣台北市萬華區漢口街二段30號 本來想帶佢地見識吓食阜杭豆漿，但見到啲人凌晨4-5點開始排，真心驚咗！西門町有兩間都叫永和唔知有咩分別，大家可以睇返張相睇我哋食邊間。永和都唔惹少，巨多人，好彩家人都早咗落去排隊，我哋去到都差唔多有得食，凍豆漿，蛋餅都幾高質，但其他都一般般吧，小籠包可以直接ignore添！ 兩間早餐店： 1：阿宗麵線-台灣台北市萬華區峨眉街8-1號 係我同貝貝每日嘅早餐，水準依然，連貝貝都鐘意咗食豬腸，貝貝幾乎每朝都要食一碗。 2：蜂大咖啡-台灣台北市萬華區成都路42號 老人家一試愛上嘅咖啡，然後仲連食咗兩日嘅早餐，因為佢哋好需要咖啡因，食物都話幾精緻唔錯！ 鴨肉扁-台灣台北市萬華區中華路一段98之2號 老人家喜歡中菜類，鴨肉絕對係好選擇！多年前食過呢間唔錯，但當日本身已經好飽，又趕住去機場，所以我都只係食咗少少 600cc木瓜牛奶-台北市萬華區武昌街二段122號 呢度嘅木瓜奶特別香滑好味。 明明好掛住呀鹽水雞哥，但基於我晚晚都食到巨飽，完全食唔落～ 週末嘅西門町先夠熱鬧，多好多小食檔，仲有市集行～ ——— FB：https://fb.me/bowlpui IG：https://www.instagram.com/bowl_lam/ Blog：https://www.mamibuy.com.hk/home/18060 #貝貝Alice #90後媽媽 #香港媽媽 #新手媽媽 #全職媽媽 #親子blogger #hkblogger #parentblogger #hkinfluncer #台北 #台北親子好去處 #台北親子旅遊 #假日好去處 #台北之旅 #親子旅遊 #親子好去處 #台北美食 #台北親子 #台北親子景點 #西門町 #西門町夜市 #西門町冰糖葫蘆 #西門町鹽水雞 #欲罷不能鹹水雞 #台北夜市 #西門美食 #西門紅樓