嘆世界郵輪之旅創造一家大細開心又難忘回憶 ⭐ 無敵海景欣賞日出日落及閃爍海浪 ⭐️ 免費美味三餐 ⭐️ 劇院欣賞精彩現場表演 ⭐️ 多元遊樂設施及娛樂節目 ⭐️ 超長嘅凱撒滑水梯泳池 ⭐ 兩天落地旅遊（今次係越南） 今次坐「名勝世界壹號」 6日5夜越南首航令我體會到郵輪去旅行嘅輕鬆享受。 我哋係第一次坐郵輪，老公沒假期了，所以今次係全女班，我、海豚妹、婆婆及契媽一同出發！原本行程目的地是在沖繩，可惜出發前一天知道沖繩將會受颱風影響，所以行程修改成為越南首航之旅。 六日五夜，首尾兩天為船上航行，第三四日就會落船觀光，越南上船剛剛的地點分別是芽莊及峴港。有差不多四天的時間在船上，船上面有咩玩呢？放心～包你四日都玩不停。 名勝世界壹號郵輪 Resorts World One是全亞太地區航速最快的郵輪，13 層高、928 間艙房、有7個房間種類選擇，我哋住嘅係海景客房： 房內可以住最多四人，我同海豚妹瞓同一張床，所以就這樣三張床。窗口位可以睇到海上航行，上格床睇到更佳景觀，睇住個海就好療癒。房間基本用品都有齊，留意如果要沐浴露、洗頭水、牙刷、牙膏等等需要call 客房服務提供。郵輪上沒有護髮素，所以有需要，要自己帶備啦。 船上有好多玩樂設施，每日都會有船上的節目表，只要scan 「名勝世界郵報」的QR code 就詳細睇到，可以知道餐廳營業時間，船上有咩活動參加等等。活動每日都好豐富，推介活動係：每晚「星座劇院」欣賞精彩的現場表演，有幾場真係睇到嘩嘩聲！ 另外，7樓大堂亦有好多活動，每個時段都唔同，好多元化，例如有沙畫、bingo 遊戲、現場演奏，仲可以出去一齊唱歌跳舞，小朋友最開心。 而恆常嘅設施包括有： 「羅馬泳池」戶外泳池： 而最吸引嘅係超長嘅凱撒滑水梯！水上樂園咁～ 享受熱水浴和現場樂隊表演，我哋嗰日佢見到有美人魚添， 出邊個海靚到假嘅咁！在海中心的船上游水，正啊！ 「VR探索館及動感地帶」： 有好多唔同款式嘅遊戲機玩，價錢都好合理，一局VR遊戲只需要港幣$30，搵好刺激嘅喪屍遊戲，睇見都驚XD! 仲有夾公仔機，推錢機，呢部$20有機會呢$6000: 其他小朋友都可以玩嘅遊樂設施連接，有多款電子遊戲、跳舞機、電單車、射擊、足球等等。仲有一個少少area可以玩board game，海豚妹同朋友就喺度玩狐狸先生幾多點同捉迷藏XD亦有休息的打卡位 「小小夢想家天地」： 有玩具和遊戲機，亦有工作坊和扮装派對參加，也提供每日2小時免費托管服務，會有哥哥姐姐陪小朋友玩，爸爸媽媽可以去Me Time 啦！ 飲食方面： 郵輪已經包哂一日3餐，其中有3間餐廳可以免費任飲任食，包括：12樓麗都, 6樓星夢餐廳, 6樓百味軒，可以選擇食自助餐，也可以揀中西餐或戶外燒烤餐廳。 餐廳食物都唔錯，環境都有無敵海景，只要拎房咭講低人數，侍應就會安排位置。有位置的話都可以坐到海景位，望住靚景食得特別開心。 而我哋最鍾意係晚上食中餐，食菜同埋用料到每餐唔同，而且有矜貴菜式。有些菜式都考廚師技術。而每一餐其中一碟餸都一定會係辣的。鍾意食辣嘅朋友會勁開心，因為佢哋都整得好惹味。 另外船上仲有5間餐廳，屬自費餐廳，我自己有自費食綠茶雪糕($20)、泳池食咗香蕉船($50)，仲有餐廳飲椰青（$25）另收18%服務費，價錢合理。 落地旅遊觀光： 2日可以落船去越南芽莊和峴港玩，因為有老有嫩，又四個女人，為咗方便及安全呀，我哋選擇咗郵輪提供的Day Tour服務。兩日嘅行程都有幾個唔同嘅選擇，而我哋就揀咗以下兩個： 第一日 芽莊精華遊 第二日 峴港BA NA山好靚！但係行程時間非常緊迫，不過主要覺得我們被安排的導遊經驗不足，去不同景點數人數的時候浪費了不少時間。去到法國村只餘下5分鐘拍照….如果有時間做資料蒐集或者懂得揸車、包車，自由行確是不錯的選擇 玩完兩日最後的兩天繼續在船上玩樂，可以休息回回氣，同時又可以舒舒服服享受船上各種活動，一家大細都非常開心。 十分推薦大家郵輪上觀賞日出！可以事先上網查閱日出時間，觀賞日出非常感動，在水平面上的日出，有別於在山頂上看！ 注意事項： 1.自由行都要排落船的時間，記得留意郵輪廣播，越早前去領取時間會越早，可以出去玩耐啲 2.越南旅遊記得袋好越南簽證紙，落船的時候要看 3. 上網需要購買船上「無線網絡套餐」有幾款唔同選擇，分別就係網絡速度同穩定性，大家可以根據自己需要選擇。 4.船上是用港弊的，船上的消費都是先儲在房卡內，最後走時結帳，可以提前網上辦理好方便。 黎緊「名勝世界壹號」有多個指定日子出發往沖繩、三亞、越南和菲律賓等地，有興趣可以上網站睇睇，亦都推介KKDay 及Klook 等平台購買！ Kkday: https://m.kkday.com/zh-tw/product/138804?cid=9429 Klook: https://s.klook.com/c/V3Mv2rG210 優惠碼 若Klook 購買任何產品或服務，包括旅遊、包車等等，我的讀者可以享有92折優惠！ ［ DOLPHIN8OFF] 由即日起至2023年10月31日 另外一個85折限量優惠碼 ［JOYKREATOR15OFF] 限量使用完即止呀，碰碰運氣吧！希望你可以用到～ 來跟我JOYKREATOR玩餐飽 #名勝世界郵輪 #名勝世界壹號 #親子旅遊 #越南 #芽莊 #峴港 #郵輪 #郵輪旅遊 # #resortsworldcruises #resortsworldone @Resorts World Cruises Hong Kong 名勝世界郵輪 @klookhk #JOYKreator #PLAYwithJOYKreator #BeInspiredandToInspire #Klookhk #YourWorldOfJOY 大家也來一起交流一下，留言或私訊我也可！ DolphinB的 Facebook：https://www.facebook.com/dolphin.bluesky/ 關於DolphinB： 喜歡海豚的DolphinB媽媽，幼兒教育一級榮譽畢業，以每人都「值得擁有」夢想的幸福生活態度而前進，喜歡分享生活點滴～曾做過：幼稚園老師、網絡平台編輯及公關，髮型用品代言人、現職全職媽媽及Freelance digital marketer。 DolphinB的email：cloudy_bluesky@yahoo.com.hk instagram：DOLPHINBLUESKY DolphinB Youtube You can also find me in: 【Blogspot】【WeShare】【Ztyle】【BE】 【Baby Kingdom】【MamiBuy】【She.com】
