【 近距離觀賞大型野生動物。購票優惠攻略 】 上個週末帶左兩兄弟同公公婆婆一齊去深圳玩2日，係酒店放低行李後，我哋第一站先去「深圳野生動物園」，坐地鐵7號線"西麗湖站"B出口，一出來行幾分鐘就到，好方便。 我哋預先係Kkday買定門票，有$99港澳居民優惠，入場直接掃QR code，好方便，兩個弟弟未夠1.2米可以免費入場。  https://www.kkday.com/zh-hk/product/29259?cid=11438   動物園非常大，建議大家可以租自駕電動車或小火車，但因為我哋人多，租電動車要分2架，假日每架收費$120一小時，唔係咁抵坐！我哋選擇買小火車門票，可以全日園內任搭，沿途有站就可以隨時上落車，慳返好多腳骨力。 我哋一入園就順方向睇動物，園區真係好大，鱷魚、長頸鹿、綿羊、袋鼠、斑馬、大象、熊貓、羊駝、獅子、老虎和海洋生物等，勁多動物！好多動物都可以餵食，每份飼料收費由$10至$50都有，我哋俾小朋友各自選擇5種動物去餵食，三兄弟都覺得好開心。 最特別係坐車參觀猛獸谷，可以坐喺鐵籠車內用鮮肉餵獅子、老虎食嘢。（收費每人$50）但當日實在太多人，要等一小時以上，我哋放棄直接上猛獸步道參觀，同樣有趣。 預啱時間早小小去霸位欣賞表演，可以睇百獸盛宴，馬戲小鎮和歡樂的海洋，幾個表演都好精彩，小朋友睇得好開心。 園內也有兒童機動遊戲，建議大家入場時係門口購買$30優惠套票，可以任玩6款遊戲，三兄弟玩咗旋轉木馬、碰碰車、電動車和船仔等（每個遊戲單玩$10次） 園內有餐廳，我哋去咗天鵝湖區的餐廳食牛肉麵，生煎包，食物款式選擇都多，味道也ok。 動物園雖然有一定嘅歴史，設施相對舊啲，但園內有好多唔同種類嘅大型動物，又可以俾遊客付費餵食，又有表演睇，也有一些兒童遊樂設施，真係可以玩足一整日，大人小朋友都會覺得開心。   大家記得先係Kkday預先購買門票，有港澳居民$99優惠，比現場買票平好多呀！每位成人可以免費帶一名身高1.2米以下嘅兒童入園。 深圳野生動物園購票網站 :  https://www.kkday.com/zh-hk/product/29259?cid=11438   下篇會介紹深圳住宿體驗和商場玩樂分享，大家有興趣就俾個like我啦！ ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com