【 一個價錢全日任玩。深圳高質Playhouse 】 終於去咗深圳「Meland 夢幻兒童樂園」玩喇，我地平日去，好少人。Meland喺深圳有好多間分店，每間都有少少唔同嘅野玩，我哋今次選擇領展中心城分店，一個價錢可以全日任玩，也可以自由出入。（唯一唔方便嘅係場內無洗手間） 領展中心城Meland可以係落馬洲過關，坐地鐵四號線到會展中心站落車，行幾分鐘就到，好方便。 一入場最吸引嘅係超長旋轉滑梯，速度真係好快，哥哥話好刺激。消防局有得玩射水救火遊戲，又有得騎電子馬仔。 模擬超市和廚房設備齊全，有超多食物和廚具，兩個仔玩咗勁耐。仲有木粒沙池、積木區、化妝區、攀爬區、跳彈床、射籃球和多組滑梯等。 另外Meland 有好多分店，如果係Meland Club會更大更多嘢玩，下次要去體驗下先！   安妮媽媽溫馨提示 : 大人小朋友也必須穿著有膠粒的防滑襪，入場會檢查，現場可以即時購買，人民幣$5一對。 ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com