​ 依家做BB真係好幸福, 人仔細細就已經有SPA有Massage... 上星期同完喬B去飲, 本來想去嘉年華會, 但全日落住毛毛雨, 又唔想返屋企住, 臨時臨急都比我揾到Plan B...就係去Baby Spa玩水水啦. 今 次好趕急咁揀左Baby Spa by Babyplus, 因為荃新天地有分店, 返屋企方便, 雖然有首次試玩價但都要$318 (平日係平好多, 好似$258), 其實都幾貴, 因為只有15分鐘游水, 再加15分鐘按摩. 不過一心諗住試一次, 影下相留念, 就豁出去啦. 去到門口, 有個screen播緊其他BB玩水既Video, 喬B竟然睇到鬼咁開心, 仲吔晒腳仔咁, 好似好想玩埋一份咁. 位於商塲內, 鋪位細細, 入面有3個玻璃小水池, 又有BB水泡同沖涼玩具. 每次都會獨立一個池, 亦每次都會清潔左個池, 同放一缸新既暖水比每位BB, 乾淨度都幾高, 好光鮮企理, 唔會濕笠笠咁. 另一邊有一個大D既池, 可容納3,4個BB一齊游水. 落水前職員會先同BB玩下又做下伸展運動, 等BB無咁緊張. 玩水前最好係餵完奶1,2個鐘, 又訓左陣...心情靚落水就無咁易忟憎大喊啦. 喬B當然唔係怕醜既類型, 一黎已經笑晒鬼咁開心, 好期待既樣 做左一陣伸展運動後就會着上泳褲仔, 然後帶埋個水泡就可以落水啦 一放落水起初唔太習慣, 有D唔知發生咩事咁 後來開始適應左, 就會自己踢下踢下咁, 好可愛 爸爸媽媽當然係喪影相同拍片, 可惜...隔離有個BB唔知係咪太驚, 全程大喊, 搞到我D Video都滿佈喊聲, 所以我留番自己睇算啦, 唔擺出來啦~ 雖然15分鐘好似好少咁,但對BB黎講係夠晒...佢地已經會皺皮架啦 玩到最後職員會除左BB條泳褲仔, 比佢玩多幾分鐘, 一除左褲仔佢仲開心, 踢黎踢去, 成條墨魚咁:P 玩完水水有專人按摩, 由頭到腳咁按, 再搽D甜杏仁油滋潤皮膚, 我無揀有沖涼既服務, 所以返到屋企都要再沖多次. 按背面仲舒服, 喬B個樣係梳乎都我都唔識形容 玩完水又按完摩, BB都會好攰, 夜晚好好訓, 見佢玩得咁開心, 雖然價錢係貴貴地, 但都值得啦. 同塲加映...喬B揾番佢個孖生細佬啦...似唔似樣呢?   Baby Spa by BabyPlus: https://www.facebook.com/playplus.hk/ 聯絡產品試用和活動: email: sherice_hy@yahoo.com.hk Facebook page: www.facebook.com/MinibubbleCorner ❤Blogspot❤ ❤The Ztyle❤ ❤She.com❤ ❤weshare❤ ❤Qooza❤ ❤iTrial❤ ❤Elle Blog❤ ❤F&B❤ ❤ My Cossip❤ ❤UBeauty❤ ❤Pixnet❤ ❤Beauty Exchange❤ ❤Salad❤ ❤Beauty Life❤ ❤Esdlife❤ ❤OpenRice❤ ❤博勢力❤