灃媽教你快速煲蕃茄薯仔立魚湯 近排 D細菌好勁, 灃灃上星期5都中招. 喉嚨發炎. 發高燒到41.5度 食左3次退燒藥 灃媽繼續用草靈和 Dr. Tim Acai Juice 兩日好返哂 唉, 燒1燒又細左一個碼. 又要努力幫灃灃長肉啦. 灃媽忙到癲. 但係隔日一定為灃灃準備湯水或糖水. 所以, 要方便. 容易. 快靚正湯水最啱灃媽 灃媽今朝送完灃灃返學 去到街市. 見有好多立魚 手掌咁大條 Good 快快手煲落湯 再返工 由於呢D細魚賣得平 魚檔老闆通常唔肯幫你清潔去除魚內臟 唯有自己切 準備1個鑊. 1個煲湯嘅煲 砌薯仔 砌蕃茄 洋蔥……幫身體殺菌 水滾…. 放哂蕃茄…薯仔…洋蔥…20蚊瘦肉 落去 洗乾淨立魚抹乾水 準備兩片薑 燒熱個鑊 放薑, 用片薑擦云個鑊(防止煎燶..黏底) 放魚  煎完一邊…….再煎另一邊 煎立魚到7成熟加滾水 大火煲滾立湯 用一個鐵隔 記住一定要用鐵㗎. 因為湯好熱 倒落膠隔會有毒架 呢條立魚好大, 留黎起肉比灃灃食 立魚嘅骨肉煮20至30分鐘 將魚肉…魚骨放入鐵隔…… 輕輕將魚湯壓出 將3斤立魚奮身碎骨 魚骨和肉完全唔要 搞掂 將魚湯倒入蕃茄薯仔湯底中 煲 45 分鐘.熄火 煲 45 分鐘.熄火 魚湯除可以當湯飲用. 亦可以做比BB食嘅 粉.麵湯底或者粥嘅湯底……好有營養架. 追縱灃媽.灃灃快 d 讚好 “LIKE" 我地 <瘋嗎.灃媽.灃灃 > facebook 專頁啦. 灃媽親子日記 – 分享健康生活平台 https://www.facebook.com/hongkongfungma 仲有, 灃媽係醫生網有個專欄 灃媽親子健康專欄 http://www.seedoctor.com.hk/fung-ma-ma-blog.asp