唔知大家有無試過新生BB成日喊, 幾乎係日夜都喊. 你以為佢係肚餓啦? 比奶佢食, 可能BB會停到一陣, 但轉頭又再不停咁喊的情況呢? 之前問過好多人都話係肚風, 有D長輩就會話係所謂嘅"百日哭"或"扭百蘿"!? 其實初生BB成日喊, 多數D人都會話係因為有肚風令BB肚仔痛所以喊. 我地起初都試過孖寶頭一個月成日都係不停咁喊, 日喊夜喊. 當時我和孖爸幾乎係完全係日夜都無訓. 抱住又喊, 放底又喊, 比佢食奶, 以為肚仔餓, 轉頭都係喊. 直頭係無日無夜呀! 有個朋友都係新手媽媽, 於是帶左佢BB去睇醫生, 醫生講出學名係叫’’腸絞痛’’. 仲有就係醫生開左肚風水佢BB食, 佢直頭話幾個鐘頭之後, 佢阿B就變咗另一個BB咁,  無再成日喊!  其實到底咩係腸絞痛, 醫生都話解釋唔到. 可能係新生兒的腸道未完全發展成熟所致的. 醫生一般都會話佢無咩事, 係正常. 好多新生嬰兒都會有咁既情況. 因為新生BB勁多肚風, 所以自然會谷到好辛苦, 搞到成日都訓得唔好. 我朋友share左醫生開比佢BB食既INFACOL肚風水比我睇, 醫生處方係比佢個仔係每6個鐘頭一次，餐前服用，每日三次，每次0.2ml.     好多人以為Infacol即係"吳德物次"肚風水, "吳德物次"係我地媽媽既年代都已經通用緊. 但以家一般醫生都只會開Infacol. 原來Infacol係有分澳洲同美國的version的, 佢可以話係初生BB的必備品，佢應該唔算係藥物，主要係幫排氣困難的BB排出肚内脹氣，舒緩腸绞痛，放屁便便困難等現象，BB肚仔舒服，就會喊少D，瞓得好D，食奶多D。食用方法好簡單, 只要係餵奶前10分鐘, 滴比BB飮醫生處方的份量就可以了，之後休息一下再餵奶。又或者可以mix在奶中比BB一起飲.   之前我地都心大心細, 擔心咁快比BBs食’’藥’’, 但再三查詢之後, 藥劑師朋友都話呢款係可以比比未滿月既BB食的.  所以我地就係萬寧買左返黎比BBs試, 發現佢地每次食完之後, 就會係咁勁放屁, 同埋唔駛點掃風就自己ok, 而且大喊的情況好像有一點點改善, 不過我自己始終都係唔想BB太依賴, 所以都只係每日黃昏同之後晚上個餐比0.2ml佢地, 舒緩一下. 而且食最多2-3日就停了.     其實都仲有些偏方大家可以試下既, 用(煮食油)放少少落對手度"初"暖, 跟住幫BB係肚臍位附近按摩, 有說都係可以幫BB去到肚風. 長輩話煮食油可以驅風, 呢d古方有時都有佢既工用既!一試無妨!  希望我這個新手孖媽的小分享可以給你們參考下啦~不過我提議大家係用之前都係最好問下醫生意見先呀。   我和孖寶的Facebook Page: 荔枝與孖寶 If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com