唔經唔覺細佬都7個月大了, 除了塞奶外, 因為加固, 產量都已經自然地減少了, 但仍算是一個富媽吧, 呢篇其實想寫好耐, 但.............一直都抽唔到時間 趁LUNCH TIME 食緊飯時間寫下先 有留意的朋友都知我係泵媽, 細佬都大部份時間係泵, 而家偶爾會埋下身食, 因為而家奶量定佐, 細佬都大佐, 出街我已經由泵轉佐埋身食了, 可以帶少啲野出街啦! 話說回來泵奶首要有奶泵, 點樣去揀, 其實好睇個人喜好同需要 家姐時我初時用過TT, 真係最怕唔識貨同埋貨比貨, 初用時都覺得無咩問題, 當我知自己可以做到奶媽時, 投資了貴價的SWING, 買時都覺得貴, 用完後感到物超所值. 2套單泵陪佐我一年 到而家細佬啦, 2套SWING 都賣唔出之下, 繼續用佢地, 見後起國產的優合平價抵玩, 我都唔執輸, 買佐個單泵返黎試, 以人仔價99蚊, 算抵玩之作 結果一用之下, 唔知優合力度比SWING 強, 定我已經習慣了SWINIG力度, SWING 用後感覺泵唔清一樣, 反而優合又快又清, 最緊要係抵玩, 壞佐都唔駛心痛個下好丫麻 及後2部SWING 平價放佐, 轉投優合雙泵, 我買雙泵當單泵用, 力度當言比單泵好, 好處仲有就係可以差電, 唔需要另外買乾電 媽媽們揀泵, 其實真係要睇受唔受泵啦, 可承受力度咁啦, 我好彩地, 大部份我都用到, 唯獨優合可差電個款單泵我覺得唔夠力 SWING, 品牌有保証, 行貨有保用, 設有回流去奶位, 部機無咁易壞, 巿價約2000元, 而家SWING 都已經出埋雙泵款, 媽媽們可以考慮下 配件只有鴨咀部份可以係一般大連鎖百貨店買到, 喇叭及膠喉要去返尚健買, 又或者可以買一啲代用品, 價錢亦相對原裝平 有2種模式, 按摩及吸乳, 各模式力度都有得自行按需要增減, 可以乾濕電, 乾電就用3粒AA裝, 入好晒, 其實都幾重下 優合雙泵, 可作單雙泵用, 我個人就只係當單泵用, 貨到香港大約400幾蚊, 抵玩, 用一年壞佐都唔心痛, 電源提供, 濕電或叉電, 我一日4至5泵, 叉一次電都用到大約4日, 有3種模式, 各模式有6重力度自行按需要增減, 我自己改佐用返MEDELA 的配件, 唔知係樽的配件問題, 我用按摩模式成日回流, 優合所有機都無回流去奶位設計, 回流要盡快停機同洗喉 優合有DISPLAY 款, 此款機並沒有叉電的, 但可接駁每個人都總有一個係袋O既後備電池, 稱為尿袋 有2種模式, 按摩及吸乳模式, 各模式有不同力度可調節, 一樣啦, 我自己改佐用返MEDELA 的配件, 唔知係樽的配件問題, 我用按摩模式成日回流, 優合所有機都無回流去奶位設計, 回流要盡快停機同洗喉 呢款機同無DISPLAY 粉紅色機, 基本上一樣, 包括力度, 只係相差了一個DISPLAY 顯示模式及時間   優合新款圓型雙泵, 可作單雙泵用, 呢部機較新出, 同事買佐, 我問佢借佐黎試, 當言係用返自己配件啦, 貨到香港大約600幾蚊,   電源提供, 濕電或叉電,  有3種模式, 除按摩, 吸乳, 新增了仿生模式, 各模式有6重力度自行按需要增減, 呢款有靜音及正常版, 同事買佐靜音版, 真係好靜, 但我個人覺得吸力唔太夠, 同樣地, 我自己改佐用返MEDELA 的配件, 唔知係樽的配件問題, 我用按摩模式成日回流, 優合所有機都無回流去奶位設計, 回流要盡快停機同洗喉, 上網睇好似可以加飛碟黎截回流奶, 但如果自己泵住泵, 人手鬆下個喇叭, 就已經可以解決到回流問題 用咩泵都好, 最緊要夾自己同方便, 希望各位媽媽長泵長有!!!!!! 有興趣可以睇返我早前的人奶的BLOG 人奶媽之外出篇 人奶媽之上班篇 第二胎的人奶路 有感而發 - 奶媽生活的一年 E-mail: babytiggerbuzz@gmail.com Facebook: https://www.facebook.com/wongaretha MyBB Blog: http://www.mybb.com.hk/?fromuser=buzzqoo She Blog: http://blog.she.com/buzzqoo/